[A:88a]brlabs pa de mdzad do / /
'chi ba la dbang mnga' bar bstan pa'i phyir ni btang ngo / /
phung po la dbang mnga' bar bstan pa'i phyir ni byin gyis brlabs te / de ltar nges par gzung bar bya'o zhes gsungs so / /
theg chen pa ltar na khyod kyis byang chub pa dang dus mnyam pa kho nar bdud bzhi bcom lags sam / zhes pa ltar cig car du bcom par shes par bya'o / /
mdzad pa bcu gnyis 'di dag [C:117]la lung dang mngon byung dang rgya rol rnams la mi mthun pa ci rigs ci rigs su 'byung mod kyi 'dir rgya rol gyi rjes su 'brangs te bshad cing / mya ngan las 'das pa'i tshul phran tshegs bzhin bshad do / /
'di dag gi dgongs pa la sogs pa zhib tu / thabs la mkhas pa'i mdo la sogs par shes par bya'o / /
IVAcc1b2c3. gsum pa chos kyi 'khor lo'i don bye brag tu gtan la dbab pa ni gsum ste / a4. sdud pa pos bstan pa bsdus tshul / b4. bsdus pa'i bstan pa gnas tshul / c4. gnas pa'i mthar 'jig cing nub pa'i tshul lo / /
IVAcc1b2c3a4. dang po la a5. nyan thos kyi lugs dang b5. theg chen gyi lugs gnyis las /
IVAcc1b2c3a4a5. dang po la / bsdu ba rim pa gsum gyi dang po ni / de ltar sku gdung gi mchod rten la sogs pa grub pa dang / sh'a ri'i bu 'khor brgyad khri / mo'u gal gyi bu 'khor bdun khri / ston pa 'khor dge slong khri brgyad stong dang bcas pa 'das pas / tshe bskal pa mang po thub pa'i lha rnams ston pa'i gsung rab ni dud pa tsam du gyur te / dge slong dbang yod pa dag kyang 'das pas / sde snod gsum mi sgrogs so zhes 'phya ba bsal ba'i phyir / 'od srungs chen pos dge slong bsdu ba'i phyir / gang po la dge slong sdus shig ces