[A:89a]tshom dang yid gnyis la zhugs pa'i sems kyis chos ma yin pa la chos su / chos la chos ma yin par / 'dul ba ma yin pa la 'dul bar / 'dul pa la ni 'dul ba ma yin par ma bshad dam / dge slong dag ser sna'i dri mas g.yogs pas / tshangs pa mtshungs par spyod pa glo bur du 'ongs pa rnams la kun tu dga' bar bya ba'i chos drug la sogs pa me byed cing / khyad du gsod par mi byed dam / rab tu byung ba ngan pa dag gis bram ze dang [B:80a]khyim bdag dad pa can dag bstan pa la ma dad par byas nas / mu stegs la brten par ma gyur tam / log par 'tsho ba kun tu spyod cing zhing rmo ba dang / nyo tshong byed pa dang / rgyal po la brten cing 'tsho ba ltos par ma gyur tam / sbyangs pa'i yon tan blangs nas bas mtha'i gnas mal brten pa las / sbyangs pa'i yon tan bor bar ma gyur tam / dge sbyong ma yin pa dge sbyong du khas 'ches nas tshangs pa mtshungs par spyod pa 'khrug par mi byed dam / de lta mod kyi jo bo gang po sangs rgyas la sogs pa'i dge slong gi dge 'dun zhes smra bar rigs na / 'od srungs la sogs pa zhes smra'am / thugs rje chen po la goms par gnas pa kun tu spyod pa la zhugs pa'i ston pa phung po lhag ma med pa'i mya ngan las 'das pa'i dbyings su yongs su mya ngan las 'das pa la ma zhugs sam / 'gro ba'i gru skya 'jin pa med nas 'jig rten 'khrugs par ma gyur tam / stobs bcu ldan pa mi rtag pa'i stobs kyis ma non nam / sems can gyi ston pa / bdag cag sad par byed pa'i mgon po ma gzims sam / sangs rgyas nyin byed ma nub bam / thub pa'i dbang po'i zla ba sgra gcan gyis bcom nas snang ba med