[A:90b]rgyu zhing song / 'od srungs chen po drang po nas song ste / rgyal po'i khab tu song ba dang / ma skyes dgras mthong ste / ston pa dran te / glang po che las lhung ba 'od srungs kyis mthus bzung nas phyis de ltar mi byed par bcas te / lha'i gnas 'dir chos kyi tshul bgro bar 'tshal lo / /
des smras pa / legs kyis bdag gis yo byad thams cad sbyor zhes so / /
de na 'dus te shing n+ya gro ngha'i phug tu rgyal pos mal stan dang yo byad sbyar te / dbyar gnas par khas blangs te / 'od srungs chen pos kun dga' bo'i sems la kun tu bltas nas ma 'gags pa la / 'khor 'dir de bzhin gshegs pas rab tu bsngags pa'i nang na / dge slong 'dod chags dang bcas pa zhe sdang dang bcas pa gti mug dang bcas pa sred pa dang bcas pa len pa dang bcas pa slob pa dag yod do / /
ma 'gags pas mngon shes kyis bltas te / smras pa / mkhyen par mdzod cig /
dge slong gi dge 'dun ni snying po med pa dang bral ba dag pa gtsang ba snying po can bla na med pa bsod [B:81b]nams kyi zhing 'jig rten gyi sbyin gnas yin mod kyi / kun dga' bo ni sngar gyi de lta bu yin no / /
de nas 'od srungs kyis spyo pas 'dul bar shes te / des de la nged ni mchog 'dus pa yin la / khyod dang lhan cig chos bgro bar mi bya'i / khyod song zhig /
de gnad du phog pa bzhin du g.yos te / 'od srungs chen po chog go /
bdag gis tshul khrims lta ba spyod pa 'tsho ba nyams par ma byas / dge 'dun la nyes pa cung zad kyang ma byas kyi / bzod par mdzod cig /
'od srungs kyis khyod ston pa'i zhabs 'bring na 'dug pas / nyams pa bzhi ma byas pa ngo mtshar ci che / dge 'dun la nyes pa ma byas na longs la tshul shing zungs shig /
nyes