[A:105a]dang khyod gnyis lo bzhi bcu lhag tsam du nga'i dam pa'i chos 'dzin par 'gyur ro / grong khyer bcom brlag na ri spo dang ngos che zhes pa na / kun dga' ra ba 'dam bu can zhes bya bar yul slan pa zhes bya ba'i dge slong 'byung / yang de nyid du dge slong dga' ba can zhes pa 'byung / ri u shi rar dge slong bzhi khri bzhi stong dang / grong khyer skya nar gyi bur kun dga' ra ba lam zhes bya bar / dge slong rta sbas dang / der bya gag gi kun dga' ra bar dge slong bla ma dang / yul yan lag tu lo lnga'i dus ston la dgra bcom pa khri sum stong dang / grong khyer gser gyi brer / dge slong mkhas pa zhes bya ba dang / yang dag pa rgyal ba can zhes bya ba gnyis dang / grong khyer gnas bcas su dge slong brtson 'grus che dang / byang phyogs kyi rgyud yul spos 'dzin du 'od srungs te / dge slong de dag thams cad rdzu 'phrul che ba mthu che ba dbang che bar grags pa gsal ba 'jigs pa med pa mang du thos pa 'dul ba 'dzin pa mdo sde 'dzin pa ma mo 'dzin pa yang dag par ston pa 'dzin du 'jug pa gzengs bstod pa rab tu dag bar byed pas / nga'i bstan pa rgyas par byed do / /
byang phyogs kyi rgyud du grong khyer rdo 'jog ces bya bar / khyim bdag ral pa can zhes pa 'byung / des nga'i lus dang nyan thos rnams mchod par 'gyur te / bskal [B:94b]pa stong nas bskal pa bzang byed la bkod pa chen pos legs par brgyan pa'i 'jig rten du sangs rgyas kun tu snang ba zhes bya bar 'gyur ro / /
byang phyogs na pho brang rgyas ldan du / bram ze dang khyim pa bstan pa la dad pa mang po 'byung ste / shi nas dga' ldan du skye la / rab tu byung ba phal cher chos bzhin mi spyod pas / log par ltung