[A:109a]zhes par 'gyur ro / /
de'i sngags kyi 'bras bu mkha' 'gro dang mkha' 'gro ma 'ching ngo zhes pa dang / yul o ru bi sa der skyes bu brtson 'grus chen po'i sbyor ba dang ldan pa / ma ni'i bka' dang mtshungs pa sde tshan dang po'i ka la dbyangs yig dang pos [B:98a]brgyan pa sde tshan bdun pa'i bzhi pa cung zad na la zhon pa'i can rnal 'byor dbang po gcig po 'dis dngos grub chen po brgyad thob par 'byung ngo zhes ka hna pa ste / nag po spyod pa ba lung bstan no / /
yang de'i slob ma rnal 'byor pa drug gis lus dngos po spangs pa'i phyag rgya chen po thob par 'gyur ro zhes pa dang / pa NDi rnams kyi gtso bor gyur pa chos kyi grags pa zhes par grags pa 'di dang / skyes bu drug bstan pa la phan pa tshangs par spyod pa la gnas pa rnams kyis grub pa thob bo / /
phyi nas ma hi la dang saM ga ra dang bha bya gho SHa dang sa ha pra karNa zhes pa'i ming can yongs su skyong ba rnams lo bcu gsum gyis grub pa thob par 'gyur ro zhes pa dang / de'i lho phyogs su grong khyer a dz'a ra yo gi ni zhes pa 'byung ste / der klu sgrub ces bya ba'i rnal 'byor pas / shing sha la zhon pa go p'a la zhes pa la rgyal po byin pas / bu shi nas ba ha na'i tsha bo la sogs pa'i rgyal po 'byung ngo zhes so / /
dus kyi [C:145]'khor lo'i rgyud phyi ma las / dge slong slob dpon klo sgrub ces bya ma lus yon tan 'byung khungs sems can kun la phan 'dogs pa / /
slob dpon blo brtan zhes bya gcod byed tshe yi grub pa stong phrag bcu dang bcas pa rnams zhes bya ba dang / /
dge bcu'i lam gyis grub par gyur pa 'phags pa lha dang lwa ba'i na bza' rta dbyangs dang / phyogs kyi glang po