[A:112a]gcig pa yin zer ba dang / des dpal gyi ri la slob dpon klu sgrub bzhugs sar phyin te / dbu blangs pas chos gsungs te / ral gris bcad pas ma chod pa na / slob dpon na re / ngas rtswa ku sha bcad pas srog chags shi ba'i rnam smin yod pas / ku shas chod gsungs nas bcad pas / ske'i rtsa ba nas / nga ni bde ba can gyi 'jig rten du / /
phyin nas lus 'di la yang 'jug par 'gyur zhes tshigs bcad byung ngo / /
dbu de des khyer te phyin pas / gnod sbyin mos phrogs te dpag tshad gcig tu dor ro / /
dbu dang sku lus gnyis ka ma nyams par lo re bzhin nyer song nas / mthar 'byar nas / bstan pa dang 'gro don mdzad ces grag go /
n'a g'a rdzu na'i n'a ga ni klu ste / chos kyi dbyings su skyes pa / rtag chad gnyis kyi mtha' la mi gnas pa / gsung rab rin po che'i bang mdzod la mnga' brnyes pa / bsreg cing gsal ba'i lta ba dang ldan pas klu'o / /
ar dzu na ni srid sgrub ste / chos kyi rgyal srid skyong ba dang / nyes pa'i dgra tshogs 'dul bas srid sgrub ste / bsdus pas klu sgrub bo / /
tshig bsal du / gang zhig mtha' gnyis gnas la gnas bsal zhing / /
rdzogs sangs rgyas blo rgya mtshor skye ba brnyes / /
dam chos mdzod kyi zab mo nyid ji ltar / /
rjes [B:101a]su rtogs bzhin thugs rjes ston par mdzad / /
gang gi lta ba'i me dag gis / /
da dung phas rgol gzhung lugs kyi / /
bud shing dang ni 'jig rten gyi / /
yid kyi mun rnams 'joms par mdzad / /
gang gis gnyis med ye shes gsung mda'i tshogs / /
lha dang bcas pa'i gdul bya'i 'jig rten la / /
[C:149]khams gsum dag tu rgyal thabs legs mdzad pas / /
srid pa'i dgra sde ma lus 'joms