[A:113a]gnas thams cad dang / phyi nang gi grub mtha' ma lus pa la mkhas par gyur te / de'i tshe mu stegs kyi ston pa ma khol zhes bya bas lha dbang phyug chen po grub ste mngal skyes gang gis kyang mi thub pa'i mchog byin pa zhig yod pa des / sangs rgyas kyi bstan pa la gnod pa byas te / phal cher mu stegs la btsud de / n'a len drar phyin no / /
n'a len dra pa rnams kyis dpal gyi ri la klu sgrub bzhugs pa la sbran pas / slob dpon 'arya de bas 'dul bar zhal gyis bzhes te byon pa'i tshe / shing gi lha mos sbyan slong ba la sbyan gcig sbyin par btang ngo / /
de nas mu stegs pham par byas pa na / mig gcig pa 'di ci 'dra zhes smra ba la / drag po mig gsum ldan yang de nyid mthong ba med / /
brgya byin mig stong ldan yang de nyid mthong ba med / /
'arya de ba [C:150]mig gcig po ni gang yin des / /
srid pa gsum po ma lus pa yi de nyid mthong / zhes gsungs te / chos kyis tshar bcad de bstan pa la bcug ste / paNDi ta chen por gyur to / /
slob dpon 'di sa brgyad par grags te / 'jam dpal rtsa rgyud las / /
'phags pa min la / 'phags pa'i ming / zhes gsungs pas brtag par bya'o / /
slob dpon 'dis rang bzhin med pa'i don rgyas par ston pa dbu ma bzhi brgya pa bsdus te ston pa dbu ma lag pa'i tshad / de la rtsod pa spong ba / 'khrul ba zlog pa'i gtan tshigs grub pa / mtshan nyid dang sngags kyi grub mtha'i rnam gzhag ston pa / ye shes snying po kun las btus / sngags phyogs la sngags kyi lta spyod gtan la 'bebs pa la / [B:102a]mdo rgyud rtog pa'i lung bsres nas sgrub pa spyod pa bsdus pa'i sgron ma / rigs pas sgrub pa sems kyi sgrib