[A:120a]mngon pa kun las btus kyi 'grel pa / rab tu byed pa sde brgyad kyi 'grel pa la sogs pa bstan bcos mang du brtsams so / /
bod kha cig /
sprang po nyi ma'i dngos grub kyis chos bsregs rjes / slob dpon blo brtan gyis dkon brtsegs blo la bton nas / bdag blo phyogs gcig bzhag [B:108a]pa dang / /
gzhan blo phyogs gcig bzhag pa gnyis / /
srang la gzhal na bdag blo lci / zhes pa'i nga rgyal gyi dbang gis / phag phrug tu skyes te ngur ba'i sgra la brtags pas / nga ni sngon gyi mkhas pa blo brtan te / /
nga rgyal dbang gis phag mo'i lto ru skyes / /
'di nas shi ma thag tu dga' ldan 'gro / /
zhes grag ste / dus kyang 'gal zhing / sangs rgyas kyi bstan pa 'dzin par lung bstan pa'i gang zag las kyi dbang gis ngan 'gror mi 'gro'am snyam mo / /
de'i slob ma gang ba spel yin la / de'i slob ma dzi na mi tra dang shi len dra bo dhi la sogs yin gsung ste dpyad par bya'o / /
dbyig gnyen gyi slob ma tshad ma rang bas mkhas pa dpal ldan phyogs kyi glang po ni rigs bram [C:159]ze la gnas ma bu'i sde ba'i mkhan po zhig las rab tu byung ste / sgra la sogs pa tha snyad kyi gcug lag la lags par sbyangs te / mkhan po la spong ba bsam gtan gyi man ngag zhus pas / phung po las de nyid dang gzhan du brjod du med pa'i bdag sgoms shig gsungs nas bsgoms pas bdag ma rnyed nas / phyi nang gi sgrib pas bsgribs sam snyam nas phyogs bzhir mar me chen po sbar / lus gcer bur byung / mig bgrad de phyogs bcur bdag btsal yang ma rnyed do / /
de'i tshe spyod lam de ltar byed pa / grogs kyis mthong nas