[A:121a]dang / slob dpon gyis gsum pa bris nas / mjug tu ngas bris pa'i tshigs su bcad pa 'phyi ba su yin / ku re dang kyal ka'i phyir yin na dgos pa rgya chen po yod pas ma phyi / phrag dog gi dbang gis yon na / blo la yod pas dbyi bar mi nus so / /
nor te rtsod par bzod na / lus snang bar gyis shig brtsad par bya'o zhes bris so / /
yang ltas sngar bzhin du byung ste / phyir 'ongs [C:160]pas brtsad par bya'o zhes pa mthong ste bsdad do / /
slob dpon bsod snyoms 'khor te byon pa dang / phrad nas bstan pa rgyal du btsugs te / brtsad pas lan gnyis lan gsum gyi bar du / mu stegs pham par byas te / da khod nang pa'i [B:109a]bstan pa la zhugs gsungs pas / kho khros nas kha nas me sbar te / slob dpon gyi yo byad thams cad bsregs / slob dpon yang tshig la khad par byas pas thugs skyo ste / yon ye ngas sems can thams cad kyi don bya snyam mod kyi / mu stegs 'di gcig pu'i don yang bya mi nus par 'dug pas / rang don zhi bde mngon du bya'o / /
snyam du dgongs nas / rdo thal nam mkha' la 'phangs te / sa la babs ma thag sems skyed btang nge snyam du 'phangs pas / sa la ma babs par 'jam dpal dngos su byon te / bu / ma byed ma byed theg pa dman dang phrad pa las ni blo gros ngan skye ste / khyod kyi bstan bcos 'di la mu stegs tshogs kyis gnod mi nus par shes bya ste / khyod kyis sa ma thob kyi bar du dge ba'i bshes su nga 'gyur gyis / /
phyi ma'i dus na bstan bcos kun gyi mig gcig tu ni 'di 'gyur ro / /
zhes rjes su bzung ngo zhes kha cig 'chad do / /
rnam nges kyi T'ikka chos