[A:124a]dpal ldan chos skyong bltams te / dus bzang la mchod pa byas pa'i tshe sbrul mgo rong nge byung bas rgyal po khros te / chad pa bcad par brtsams pa las / sor gdub bstan pas klu'i yi [B:111b]ge mthong bas slar bkur sti byas te skyed bsrings so / /
des lha khang gzhan las khyad par du 'phags pa zhig rtsig par 'dod pas ltas mkhan la dris pas / dge sbyong dang bram ze'i ras la sdong bu byas te / rgyal po dang tshong dpon gyi khyim nas mar blangs shing / dka' thub pa'i lha gnas nas kong bu blangs te / mar me spar ba yi dam gyi mdun du bzhag ste / gsol ba btab na / chos skyong gi sprul pas kong bu bskyur bar 'gyur bas der rtsigs shig zer nas / de ltar byas pas bya rog cig byung nas / kong bu mtshor bskyur bas yi chad pa na / mtshan mo klu'i rgyal po sbrul mgo lnga pa zhig byung ste / nga khyod kyi pha yin pas mtsho bskams la rtsig tu gzhug go /
zhag bdun bdun na mchod pa chen po gyis shig zer te / de bzhin byas pas zhag nyer gcig na mtsho bskams te / o tyanta pu ri'i gtsug lag khang bzhengs so / /
rgyal po de la sras rgyal po dang paNDi ta dang grub thob dang sdig sbyod kyi rgyal po zhig ste bzhi yod pa [C:164]la / tha ma nor gyis brel dogs nas / nor bu byin no / /
de la sras de ba p'a la zhes bya ba smon lam gyi stobs can yum la dad pa thob pa zhig byung ste / des pha la nor bu brkus te dge slong yum 'chad pa zhig la phul bas / yab gyis rig ste / nor bu ni rgyal po dbang ba yin gyis / dge sbyong 'dod pa chung zhing chog shes par rigs pa la / khyod de lta ma yin no