[A:129b]brlabs te dus gcig tu / a i u zhes brjod pas / sgra thams cad shes zhes grag go /
nang pa rnams spyan ras gzigs bsgrubs pas shes par 'chad pa de lung dang mthun te / 'jam dpal rtsa rgyud las / bram ze'i khye'u p'a Ni ni / nges par nyan thos byang chub tu / /
nga yis lung bstan byas pa yin / /
'jig rten dbang phyug bdag nyid che / /
de yang de yi sngags grub bo / /
zhes pas so / /
slob dpon des sgra'i bstan bcos sho lo ka nyis stong yod pa zhig byas te / p'a Ni by'a ka ra Na zhes grags so / /
de la klu'i rgyal po zhig gis ma h'a bha SHa zhes pa'i 'grel pa shu lo ka 'bum yod pa zhig byas te shin tu dar ro / /
dus phyis rgyal po bde spyod kyi btsun mo sgra'i cha shas cung zad shes pa zhig yod pa de dang / rgyal po khrus byed cing rgyal pos chu gtor bas btsun mos / ma mo da k'a sinytsa / zhes saM skri ta'i skad du bdag la chu ma 'thor byas pas / rgyal pos 'phral skad kyi tshig zur dang sbyar nas / til gyi tshod ma blang zhes par go nas / bran zhig la til gyil du bskur bas / btsun mos [B:116b]khrel te / ba lang 'dra ba 'di dang 'grogs pa bas shi bla'o snyam ste lceb par rtsom pa na / rgyal pos ci yin dris pas gong gi lo rgyus bsnyad do / /
de nas rgyal po'i zhang po sarbba warmma zhes bya bas / rgyal po la ngas gzhon nu smin drug bsgrubs la / ngag gi dngos grub blangs la / rgyal pos kyang sgra shes par bya yis / btsun mo la de ltar ma byed cig ces gyis shig /
rgyal pos kyang de ltar byas te btsun mo spro bsrings so / /
sarbba warmmas bsgrubs pas gzhon nu smin drug gis zhal bstan nas ci 'dod zer ba la / sgra shes par 'tshal lo zhus pas / siddho warNa sa maMn ye zhes