[A:130b]pa las / yang dag bsdu ba'i gzhi nyams phyir / /
mtha' dag min par rtogs pa yin / /
zhes gsungs shing / sdug bsngal gyi phung po'i mdo dang / 'char byed kyis zhus pa dang / bla ma'i mdo dang / kun dga' bo'i mdo dang / 'od srungs kyi mdo la sogs pa mang po dbyig gnyen bzhugs dus nub nas ma rnyed do / /
dkon mchog brtsegs pa'i le'u 'bum yod pa la zhe dgu dang / 'dus pa chen po le'u 'bum yod pa la / tog la sogs pa brgyad dgu tsam dang / phal po che li'u 'bum la le'u bzhi bcu lhag tsam dang / lang kar gshegs pa sum khri drug stong las sum stong drug brgya tsam dang / rgyan stug po bkod pa stong phrag bcu gnyis pa / stong sum brgya tsam dang / sprin chen po 'bum yod pa la / le'u cung zad dang / ting nge 'dzin rgyal po bam po bco lnga tsam dang / gcig las 'phros pa la gcig nas brgya'i bar du 'phros pa yod pa la gcig nas bcu'i bar tsam dang / mya ngan las 'das pa dang / dran pa nyer gzhag la / 'gyur mjug ma rdzogs shing / dpa' bar 'gro ba'i mdo stong phrag bcu pa la / le'u gcig tsam dang / de bzhin gashegsp'i gtsug tor chen po dang / rtogs pa chen po dang / zla ba snying pos zhus pa rnams la le'u mang du yod pa'i le'u re re tsam las med cing ma 'gyur [C:172]la / sngar 'gyur ba'ang ci rigs par nub cing / gzhan yang rgya 'grel chen po rnams su lung drangs pa'i mdo mang po mi snang ngo / /
gzhan mdo sde rnam par spyod pa'i sa chen po la sogs pa [B:117b]lha'i yul na bzhugs / rgyal ba'i yum rgyas pa bye ba phrag brgya pa / dri za'i rgyal po