[A:137b]de nas khyed su yin dris pas btsan po zer ro / /
gang nas byon dris pas nam mkha' la mdzub mo sbreng zhing / skad ma go nas / shing gi khri la bzhag ste mi bzhi'i gnya' ba la khur nas / 'di la kho bo cag gi jo bo bya'o zer te / ming yang gnya' khri btsan por btags / rgyal po snga shos yin no / /
de'i sras dmu khri btsan po / de'i sras ding khri / de'i sras so khri / de'i sras ye khyi / de'i sras gdags khri / de'i sras sri khri btsan po dang bdun la khri bdun zer zhing / tha ma de'i ring la [B:123b]rdol bon dar ro / /
de'i sras gsum gyi bya khri la spu lde gung rgyal zhes btags / de'i sras a sho legs / de'i sras i legs kyis 'ching bar stag rtse brtsigs te / mkhar snga shos yin no / /
de'i sras de sho legs / de'i sras gu rub legs / de'i sras 'brong rje legs / de'i sras tho sho legs te / drug la sa'i legs drug zer ro / /
de'i sras rgyal za rnam zin lde / de'i sras lde snal / gnam nas bzung ste / khri thog rje thog btsan gyi bar yan chad rgyal rabs nyi shu rtsa drug na / lha tho tho ri gnyan btsan byon pa'i tshe / dgung lo drug cu thub pa na / pho brang yam bu bla sgang gi rtse na / bzhugs pa na nam mkha' nas za ma tog cig babs pa kha phye bas / za ma tog bkod pa / pang gong phyag rgya pa / gser gyi mchod rten zhig byung ste / ming gnyan po gsang bar btags te mchod pas / lo brgya nyi shur thub ste / dam pa'i chos kyi dbu brnyes shing / de yan chad ni chab srid bon gyis bskyangs so / /
de'i rmi lam na / mi rabs lngan / 'di shes pa 'byung zhes lung bstan no / / [C:182]de'i sras khri