[A:139a]dang / bram ze shang ka ra dang / bal po'i slob dpon sh'i la manydzu dang / rgya nag gi slob dpon hwa shang mah'a de ba tshe dang / lo tstsha ba thon mi saM bho Ta dang / de'i mchan bu dharma ko sha dang / lha lung rdo rje dpal rnams kyis / chos ci rigs su bsgyur cing gtan la phab bo / /
rgyal po de ni thugs rje chen po'i sprul par grags shing / li'i btsun pa gnyis kyi lo rgyus yod do / /
rgyal po des lo drug cu rtsa dgu rgyal srid bzung ste / brgyad cu rtsa gnyis [B:125a]la gshegs so / /
de dang mnyam du ong co'i zhal nas / lha sh'akya mu ni ra mo che nas gdan drongs la / 'phrul snang gi glo 'bur du sbos la / sgo la zhal gyis la / 'jam dbyangs bris shig gsung ste / khri btsun dang mnyam du / gsum gar thugs rje chen po la thim pa'am 'das so / /
blon po rnams kyis kyang lha gnyis brjes te / zhal chems ltar byas so / /
rgyal po de'i sras mang rong mang btsan / de'i sras gung srong gung btsan / de'i sras 'dus srong mang po rje blo nam 'phrul gyi rgyal po / /
de'i sras khri lde gtsug brtan te / des lha sa mkhar brag /
mchims phu gnam sral / dar 'phur mkhar lhag /
mdo smad du ling chu khri rtse / brag dmar du ska chu shar sgo / 'phang thang ka med / ka chu ban chung / brag dmar 'brin bzangs la sogs pa bzhengs / bran ka mu la ko sha dang / gnyags dzny'a na ku ma ras mdo sde las brgya pa dang / gser 'od dam pa gnyis bsgyur / rtsis dang sman dpyad la sogs pa bsgyur te / chos srol cher mdzad do / /
de'i sras 'jang tsha lha dpon la / rgya'i rgyal po'i sras gyim shang