[A:147a]pa rnams kyang / rgyud kyi don ma rtogs par / sbyor sgrol la sogs log par spyod do / /
IVBb. gnyis pa bstan pa phyi dar gyi tshul ni / dar mas bstan pa bsnubs pa'i dus su 'jad kyi gyel mi gtsang rab gsal / bo dong pa g.yo dge 'byung stod lungs pa smar sh'akya mu ni dang gsum / dpal chu bo ri na sgom zhing yod pa na / btsun pa khyi ra byed pa mthong ste / gtam dris pas / rgyal pos bstan pa bsnubs par shes te / 'dul ba dre'u khal zhig bkal te / mnga' ris stod du bros nas / gar log nas lam thon nas / hor yul du phyin te / skad rigs mi gcig pa'i sar bstan pa dar bar bya snyam pa la / dar bar ma nus te / mdo smad lho ngos kyi be ro tsha tsho na tshur byon te rma lung rdo rje brag ra a chung gnam rdzong dag dig shel gyi yang dgon na bsgom zhing yod pa las / rma chu kha'i phyugs rdzis mthong ste / dgongs ka mi 'dus pa rnams la smras pas / las dang skal bar ldan pa mos pas spyod pa'i sa pa / mu gzu gsal [C:194]'bar bya bas bltar phyin pas / dad nas rab tu 'byung bar zhis pas / 'dul ba'i po ti gtad nas 'di ltos / dad na rab tu dbyung gsung / bltas pas dad de mchi ma byung ngo / /
der gtsang gis mkhan po byas / g.yos slob dpon byas te dge tshul du bsgrubs so / /
mkhan slob las ming sbyar te / dge ba rab gsal du btags / phyis thugs rab che bas dgongs pa rab gsal du grags so / /
de nas bsnyen rdzogs zhus pas / dge slong lnga ma tshang bas mi 'ong gsung ba dang / sngar