[A:148a]gzhi zungs gsungs so / /
de nas byings po tsho yar yongs / klu mes kyis grum ye shes rgyal mtshan la 'dul ba nyan cing bsdad do / /
de'i dus su rag shi'i gcung dang / rba'i gcung gnyis phu bo bsu ru 'ongs pa dang / klong thang du mjal bas / gcung gnyis dad de / los mkhan po byas / phu bo gnyis kyis slob dpon byas te / rab tu byung ste / da lta rba rag gnyis gcig [B:133a]tu sdeb pa'i rgyu mtshan yang de yin no / /
de nas lo ston na re khyed tsho sdod [C:195]cig /
ngas tshong pa 'di rnams dang 'grogs te / dbus gtsang du phyin la / bstan pa dar bar nus mi nus bltas la / nus na nga bsdad kyis / khyed rnams yar byon / mi nus na nga mar log la 'ong gi gsung nas / 'dan ma'i tshong pa dang 'grogs te byon pas / tshong pa rnams sum 'phrang du tshong bya snyam nas ldog par 'dug pa la / khyed rnams 'dir tshong ma byed par gtsang du song la / 'gur mo rab kha bya ba na / lo nad gtsug na bya ba yod pas de la khyod kyi bu rab tu byung nas / dbus na yod gyis shig byas te btang bas / tshong legs po byung bas / deng sang bar du 'gur mor tshong 'dus byung ba'ang / lo ston gyi drin yin no / /
de'i phyi lo de klu mes kyis mkhan po la kho bo dbus gtsang du 'gro bas / mchod gnas shig zhu byas pas / bon po'i zhwa 'ob zhu phog nas / sa ser btab pa zhig gsol 'phro la gnang ste / 'di gyon la nga rjes su dran par gyis gsung ngo / /
yar byon te thams cad dbus su byon pa dang / sngon mkhas btsun rnams kyi gdan sa lha sa yin yang chad pas gcod pa'i sa yin pas / 'gro ma nus par / bsam yas su byon te / klu mes kyis ka chu bzung /