[A:151a]khams su sdom pa len du 'gro bar 'dod nas / lha sar phyin pas lha sa'i steng khang du 'gro ba'i skas gcig gi mar zur snga gdong la dpal mgon po'i gzugs ri mor bris nas yod pa la / yar 'gro tsa na ri mor 'dug pa la / mar 'ong tsa na dpal dgan po dngos thod pa'i nang na mi'i snying dang khrag bsres nas / mi'i rtsib mas thur ma byas nas gsol zhing 'dug pa la / gsol ba btab pas / /
ngas khyod kyi chos skyong bya yis zla ba gcig la 'khor bar shog zer te / 'a tsho mthu che ba'i rgyu mtshan yang de yin no / /
de nas 'a zhas khams kyi grwar phyin nas / bla chen po'i mkhan bu kre bo mchog bla bya ba la / bka' drin zhus pas / ngas chu gtor btang la 'ong gi gsungs nas / bka' drin nod long med par mkhan po 'das pas / ngas chu gtor btang la 'ong gis zer ba tsam la sdom pa thob par byas nas / de la dge tshul chu gtor ma zhes grags so / /
des mkhan po byas nas sna nam 'dre brdas bzung / de nas 'o yug mda'i ra [C:199]sha bzung / de gnyis kyi lam stegs su stag gi gnas po che bzung ngo / /
de'i mkhan bu she'u snye nam pas lhan gyi ba so thang bzung / de nas 'khor re skyi sgang dang nyang ro bud mdo dang 'khor re ba 'khor dang / lhan gyi dro shong rnams rim gyis bzung ngo / /
de'i mkhan bu sog tshul khrims bla mas pa so thang bzung / de'i mkhan bu spang 'dul 'dzin gyis / stag gi spen can bzung / de'i mkhan bu snubs rin chen grags kyis / khu lung lha gral bzung / ra sha nas 'u yug gsal sgang bzung ste / de rnams la 'a tsho zer ro / /
yang 'bre gzhon tshul gyis khams su sdom pa