[A:152b]mchog gi ye shes / se btsun gzhon nu / gar mi yon tan g.yung drung / khu ston shes rab brtson 'grus / ra khri bzang 'bar / rgya rgyal bu tshul le / brang ti dar ma snying po / de'i slob ma 'ban rog gnyis la sogs pa'i bar du mngon pa'i bshad nyan ma chad par byung pa'i phyir ro / /
bar dar dang phyi dar du 'byed pa'ang mi 'thad de / bar du bstan pa med pas bar chod pa med pas so / /
snga dar dang phyi dar du 'byed pa ni glang dar mas bstan pa bsnubs pas dbus gtsang du bstan pa ye med pa lo 'ga' byung bas / de yis bzhag go /
mkhas pa gtsang nag pas [B:137a]kyang / bstan pa phyi ma dar ba'i tshul ni zhes bshad pas so / /
de ltar bstan pa'i me ro smad nas blangs te mnga' ris nas dar zhing rgyas par mdzad do / /
btsan po 'khor res rgyal srid gcung srong nge la gtad nas / rab tu byung ste / mtshan ye shes 'od ces bya'o / /
des mtshan nyid kyi theg pa bkar shes kyang / sngags pa rnams kyis sbyor sgrol la sogs spyod log gis bka' yin min the tshom du gyur te / rin chen bzang po la sogs pha khye'u nyi shu rtsa gcig brdzangs nas / rgya gar du chos slob tu btang ba la / rin chen bzang po dang legs pa'i shes rab ma gtogs pa gzhan shi nas chos ma lobs / rin chen bzang po sngags mtshan nyid thams [C:201]cad la mkhas par gyur ste / paNDi ta shr'addha ka ra wa rmma dang / padma ka ra gupta dang / bu ddha shr'i sh'anta dang / buddha p'a la dang / ka ma la gupta la sogs pa spyan drangs te mtshan nyid kyi theg pa dang / rgyud ste bzhi ka bsgyur / khyad par yo ga dang gsang 'dus la sogs mang po bsgyur zhing sngags gtan la