[A:160a]gzhung bla ma / zhu ba rdzogs pa / bam po lnga bcu rtsa gsum tshang ba dang / zhu ba ma rdzogs pa'i bam po bcu gnyis pa dang / gnyis la / gzhung dam pa'ang zer ro /
de dag gi lung gzhis rab byung gi gzhi la sogs pa nas / gnas mal gyi gzhi'i bar gzhi bcu bdun ston / dge slong pha'i rnam 'byed kyis dge slong gi khrims nyis brgya lnga bcu rtsa gsum ston / ma'i rnam 'byed kyis dge slong ma'i khrims sum brgya drug cu ston / gzhung bla mas / gzhi dang rnam 'byed kyi don zhib tu 'chad pa'i 'grel pa lta bu yin no / /
phran tshegs de rnams kyi ma tshang ba kha skong lta bu yin / rtsa ba'i lung dge slong gi so sor thar pa shu lo ka bdun brgya ste bam po gnyis dang / dge slong ma'i so sor thar pa shu lo ka brgyad brgya ste bam po gnyis pa gnyis klu'i rgyal mtshan gyis bsgyur pa'o / /
so sor thar pa'i mdo gnyis [B:144a]po dgra bcom pa chos gyi tshong dpon gyis byas pas / bka' min zer ba dang / kha cig /
bka' yin yang ston pa bzhi yin te / sangs rgyas dang / nye bar 'khor dang / chos kyi tshong dpon dang / dri med bshes gnyen dang / bzhi'o zer te / bstan pa gcig la ston pa bzhi ngo mtshar che'o / /
kho bo'i bla ma / lung sde bzhi dang / mngon par 'byung ba'i mdo / /
bstan bcos su bzhed pa ni / bzhed pa tsam du zad do / /
de dag 'dul ba'i skor ro / /
gzhan yang dus phyis gsungs pa dang / ci rigs su yod kyang / theg chung rnams / phyogs gcig tu bstan par bya ste / 'phags pa dran pa nye bar gzhag pa bam po / /
pa tshab tshul khrims rgyal mtshan gyi 'gyur / 'di lo tstsha bas theg chen du