[A:171a]ga gon dang bzang po la gsungs pa'i shis par brjod pa'i tshigs su bcad pa / bcom ldan 'das kyis khyim bdag des pa la gsungs pa'i dkon mchog gsum gyi bkra shis kyi tshigs su bcad pa ye shes sde'i 'gyur / sangs rgyas phal po che las 'byung ba bcom ldan 'das la brgya byin gyis bstod pa'i bkra shis kyi tshigs su bcad pa / bcom ldan 'das la lha'i rgyal po rab mtshe mas bstod pa'i bkra shis kyi tshigs su bcad pa / bcom ldan 'das la [B:153b]lha'i rgyal po rab dga' ldan gyis bstod pa'i bkra shis kyi tshigs su bcad / lhas zhus pa'i bkra shis kyi tshigs bcad / sangs rgyas rabs bdun gyi bkra shis kyi tshigs bcad / dkon mchog gsum dang / mdzad pa bcu gnyis kyi bkra shis kyi tshigs su bcad pa ye shes sdes bsgyur pa ste / bzang spyod la sogs pa 'di dag theg chung du bris pa ni mi rigs te / theg chen gyi mdo dang gzungs las phyung ba yin pas de nyid du gtogs shing de las logs su phye ba mi 'thad do / /
gang pos zhus pa dang / klog thob kyis zhus pa dang / rin po che'i phung po dang / sangs rgyas bcu pa rnams / dkon mchog brtsegs pa'i le'u yin pas / mdo sna tshogs su mi bgrang ngo / /
'dir sngar 'gyur nges pa deng sang gi bka' 'gyur du ma tshud cing / ma rnyed pa / de bzhin gshegs pa'i mdzod bam po bzhi / dkon mchog gi mdzod bam po bzhi dang shu lo ka nam mkha' mdzod kyi ting nge 'dzin bam po drug / dpal dbyangs kyis zhus pa bam po gcig dang shu lo ka [C:227]nyis brgya / de bzhin gshegs pa'i spyod yul yongs