[A:172a]ba ni mi 'thad de / bdag med pa dris pa rin chen bzang pos phyis bsgyur pa'i phyir dang / zung gi mdo dkar chag chen mor mdor bshad pa'i phyir ro zhes kha cig go /
'phang thang mar me 'gal 'tsho ba'i mdo / rta mgrin bkod pa'i mdo zhes pa li las bsgyur pa yod par bshad de / mdo sum brgya brgyad cu rtsa gcig ma rnyed par lnga bcu nga bdun nam nga dgu la sogs pa 'gyur la / ko'u shi ka / blo gros bzang mo chung ba / ljon shing gi mdo la sogs pa sa skya paNDi ta dang klu mes la sogs pas mdo yang dag ltar snang phye ba bzhin rtogs par bya'o / /
IVBca1b2. gnyis pa bstan bcos kyi skor la gsum ste / a3. bka' bye brag gi dgongs pa gsal bar byed pa dang / b3. spyi'i dgongs pa gsal bar [B:154b]byed pa dang / c3. thor bu ba lugs kyi bstan bcos la sogs pa'o / /
IVBca1b2a3. [C:228]dang po la gsum las /
IVBca1b2a3a4. dang po bden pa bzhi'i chos kyi 'khor lo'i dgongs 'grel ni / lung gzhi'i rgya cher 'grel slob dpon dge legs bshes gnyen gyis mdzad pa bsgyur 'phro bam po bcu gcig /
rnam 'byed kyi 'grel pa slob dpon dul ba'i lhas mdzad pa bam po bco lnga klu'i rgyal mtshan gyi 'gyur / gzhung bla ma'i bye brag lung zhu ba ma rdzogs pa'i 'grel pa mdo sde 'dzin pa dge ba'i bshes gnyen gyis mdzad pa bsgyur 'phro phran tshegs sgo brgyad pa yan chad rdzogs pa'i 'grel pa slob dpon tshul khrims bskyangs kyis mdzad pa bam po bcu dge ba'i blo gros kyi 'gyur / so so thar pa'i 'grel pa slob dpon khyad par