[A:177b]pa'i de kho na nyid la 'jug pa shu lo ka sum cu / de'i 'grel pa shu lo ka nyis brgya / dbu ma shes rab la 'jug pa 'gos kyi 'gyur / slob dpon klu'i bshes gnyen gyis mdzad pa'i sku gsum la 'jug pa shu lo ka brgya lnga bcu rtsa drug /
de'i 'grel pa slob dpon ye shes zla bas mdzad pa bam po gnyis dang shu lo ka brgya lnga bcu pa gnyis ye shes sde'i [B:159a]'gyur / slob dpon rig byed 'od kyis mdzad pa'i dbu ma lugs kyi snying po bam phyed dpal brtsegs kyi 'gyur / slob dpon dbu ma'i seng ges mdzad pa'i lta ba tha dad pa rnam par phye ba chos kyi shes rab kyi 'gyur / slob dpon a bha y'a ka ra gubtas mdzad pa'i thub pa dgongs pa'i rgyan gsal ba grags dang dpang blo brtan gyi 'gyur / spyod 'jug si skor la / byang chub sems dpa'i spyod 'jug zhi ba lhas mdzad pa rngog 'gyur / 'di dkar chag chen mo gsum gar shu lo ka drug brgya bam po gnyis zhes 'byung mod kyi / shu lo ka stong du grags so / /
spyod 'jug le'u dgu pa blo gros mi zad pas mdzad zer ba de dang / 'di mi gcig ces smra ba mang yang / sdig bshags kyi le'u logs su byas ma byas kyi khyad par dang / 'gyur snga phyi'i khyad ma gtogs [C:235]pa gcig par kho bo smra'o / /
spyod 'jug gi 'grel chen slob dpon shes rab 'byung gnas blo gros kyis mdzad pa dar ma grags kyi 'gyur / slob dpon dge ba'i lhas mdzad pa'i spyod 'jug gi 'grel pa dge ba'i blo gros gyi 'gyur / slob dpon nag po pas mdzad pa'i dka' 'grel chos kyi shes rab kyi 'gyur / slob dpon