[A:199b]ba ma yin pa dang mthun pa la sogs pa bris pa ni / nor ba yin te / mdo dang rgyud ma 'dres par phye ba'i dkar chag dag tu mdor bshad pa'i phyir ro / /
sher snying dang tshul brgya lnga bcu pa'ang yin mod kyi / sher snying la sgrub thabs klu sgrub kyis mdzad pa snang ba'i phyir dang / tshil brgya lnga bcu pa sngags su 'chad pa'i 'grel [C:262]pa yod pas sngags su'ang mi 'gal lo / /
IVBcb1a2b3. [B:177a]gnyis pa spyod pa'i rgyud ni / XIV. rtsa ba'i rgyud rnam par snang mdzad mngon par byang chub pa rgyud phyi ma dang bcas pa bam po drug dang shu lo ka brgya lnga bcu dpal brtsegs kyi 'gyur / phyag na rdo rje dbang bskur ba'i rgyud bam po bcu gnyis ye shes sde'i 'gyur / gshin rje'i gshed khro bo rnam par rgyal ba sra khog snang rtsa ba'i rgyud / rgyud phyi ma / phyi ma'i phyi ma ste gsum / rigs ral na re 'di gsum bod kyis byas zer ba mi bden te / 'grel tig khungs ma rnams su 'di dag gi tshig mang po drangs pa'i phyir ro zhes zer te / brtag pa'i gnas so / /
dam tshig gsum bkod pa'i rgyal po tshul khrims rgyal ba'i 'gyur / 'di rnams bya ba dang rnal 'byor gyi cha gnyis ka dang ldan pas / gnyis ka'i rgyud ces rin chen bzang po'i sngags log sun 'byin du bshad do / /
IVBcb1a2c3. gsum pa rnal 'byor gyi rgyud ni / XV. rtsa ba'i rgyud dpal de nyid bsdus pa rgyud phyi ma dang bcas pa bam po dgu rin chen bzang po'i 'gyur / bshad pa'i rgyud rdo rje rtse mo gzhon nu tshul khims kyi 'gyur / 'jig rten gsum las rnam par rgyal ba'i rgyud bam po gnyis / ngan song sbyong rgyud bam po gnyis rgyal ba 'tsho dang rin chen mchog gi