[A:20b]bzhin ni byings dang ming / rkyen la byings las ming bsgrub pa byed ldan gyi rkyen / ming las ming gzhan sgrub pa de phan gyi rkyen / de la'ang spyi dang grangs med dang dngos po'i rkyen gsum mo / /
byings las tshig bsgrub cing dus rnam par 'byed pa ting dang / ming las tshig bsgrub cing don rnam par 'byed pa su pa dang / rang bzhin dang rkyen gyi bar du gzhug pa a ga ma dang / byings gzhan du sgyur ba'i nyer sgyur rnams so / /
nyer bsgyur ni rang bzhin du rigs so / /
rnam 'gyur ni mtshams sbyor la sogs pa'i dbang gis yi ge dbyi ba dang bsgyur ba la sogs dang tshig gi bsdu ba rnams so / /
de dag gi sgra'i brjod bya bsdus pa'am / yang na mtshams sbyor dang ming dang kun bshad pa dang / krIt dang bzhis mdo'i don rtsa ba bstan la / byings nye bsgyur u Na la sogs yan lag ste / de dag gis 'chad pa ka l'a pa lta bu'am / yi ge'i tshogs / ming gi tshogs / tshig gi tshogs [B:18b]gsum du bsdus nas 'chad pa smra sgo lta bu rnams so / /
de dag kyang so so yang dag par rig pa bzhi thob pa'i rgyur bslab par bya'i sde snod gsum gang yang min no / /
de dag dang 'brel ba yi ge lce yang gi bye brag gi sbyor tshul dang / prat'a ra dgod pa ston pa sdeb sbyor gyi bstan bcos rin chen 'byung gnas lta bu dang / ming gi rnam grangs dang rtags gsum gyi dbye ba dang / ming gcig don mang po la 'azug pa'i tshul la sogs pa ston pa mngon brjod kyi bstan bcos 'chi med mdzod lta bu dang / snyan dngags kyi bstan bcos la snyan dngags kyi mtshan nyid dang snyan dngags kyi grub mtha' 'dod tshul mi 'dra ba'i tshul dang / rgyan