[A:21b]yin la / ma lus par ston pa bstan bcos chen po ste / kun las btus sam / mdzod lta bu'o / /
zer ro / /
IIDcb1c2d3. bzhi pa la / bka' spyi dang bye brag gi dgongs 'grel lo / /
dang po ni / bka' spyi'i tshig gi cha gsal bar byed pa brda sprod pa sgra'i bstan bcos sam / don gyi cha gsal bar byed pa tar ka rig pa'i bstan bcos gnyis so zhes gsungs so / /
kho bo ni gzhan du sems so / /
gnyis pa bye brag gi dgongs 'grel la gsum bka' phyi dang po bka' dang po'i dgongs 'grel la lta ba'i cha gsal bar byed pa dang / spyod pa'i cha gsal bar byed pa gnyis so / /
dang po ni / mngon pa sde bdun te / ji skad du / chos kyi phung po sh'a ri'i bus / /
gdags pa'i bstan bcos mo gal bus / /
khams kyi tshogs ni gang pos byas / /
rnam shes tshogs ni lha skyid kyis / /
ye shes la 'jug k'a tya'i bus / /
rab tu byed pa dbyig bshes kyis / /
yang dag 'gro ba'i rnam grangs ni / /
gsus po che yis byas zhes grag / /
ces pa ltar ro / /
kha che bye brag tu smra ba na re / bdun po 'di bka' yin te / ston pas yul dus gang zag tha dad la thor bur gsungs pa rnams nyan thos dgra bcom pas bsdus pa yin te / dper na / ched du brjod pa'i tshoms bzhin no / /
de lta min na [C:28]bka' la sde snod pa gsum ma tshang bar 'gyur zer ro / /
mdo sde pa la sogs pa na re / ma mo ni / mdo sde 'dul ba gnyis kar spyi khyab bam / gseb tshang nas bstan pas skyon med la / bdun po bstan bcos su 'dod do / /
bdun po de'i don bsdus pa bye brag tu bshad pa chen po / / de'i don bsdus [B:19b]pa mngon pa mdzod la sogs pa'o / /
gnyis pa ni / lung gzhi bcu bdun rab byung gi gzhi dang por bstan / de nas rnam