[A:22a]'byed gnyis dang gzhi bcu drug bstan pa gzhir byas pa la / gzhung dam pa'i zhu ba 'dul byed la sogs pa dang phran tshogs kyi skabs nas 'byung ba rnams ji ltar rigs par sbyar nas 'chad pa mdo rtsa dang / rnam 'byed gzhir byas nas / gzhan ji ltar rigs par sbyar nas 'chad pa me tog phreng rgyud dam / sum brgya pa lta bu'o / /
gnyis pa bka' bar pa'i dgongs 'grel la lta ba'i cha dang spyod pa'i cha gsal bar byed pa gnyis so / /
dang po la / shing rta'i srol 'byed bzhir grags te / mdos dngos su brjod pa'i don na / snying po'i don ston pa dbu ma rig pa'i tshogs drug ste / chos thams cad rang bzhin stong pa nyid rten 'brel spros pa'i mtha' dang bral bar ston pa stong nyid bdun cu pa / de las gzhan skye ba la sogs par bden pa 'gog pa rtsa ba shes rab ste / gnyis po rtsa ba'am gtso bo'o / /
de rigs pas sgrub pa rigs pa drug cu pa / de la gzhan gyis rtsod pa'i skyon spong ba rtsod pa bzlog pa / gzhan rtog ge pa dang rtsod pa'i tshul ston pa zhib mo rnam 'thag /
don dam par rab bzhin med kyang kun rdzob tu 'jig rten gyi tha snyad 'thad cing grub par ston pa tha snyad grub pa dang drug yin no zhes gsungs so / /
shugs la bstan pa'i don nam mngon par rtogs pa'i don gtso bor ston pa mngon rtags rgyan te / rnam mkhyen lam shes gzhi shes te 'jug yul mkhyen gsum / rnam kun mngon rdzogs dang rtse mo dang mthar gyis pa dang / skad cig ma ste 'jug pa sbyor ba bzhi / zhugs 'bras chos kyi sku ste brgyad du 'dus par ston pa'o / /
de dag gtso bo'i don sum cu rtsa gnyis su ston pa brgyad stong don bsdus te / de nyid las / rten dang