[A:27a]gsungs te / sum brgya pa las / tshul khrims ldan zhing 'dul ba'i cho ga shes / /
nad pa snying brtse 'khor ni dad pa dang / /
chos dang zang zing phan 'dogs brtson pa dang / /
dus su 'doms pa de ltar bla mar bsngags zhes pa dang / slob dpon klu sgrub kyis / dge ba'i bshes gnyen de dag gi /
mtshan nyid mdor bsdus mkhyen par mdzod / /
chog shes snying rje tshul khrims ldan / /
nyon mongs sel ba'i shes rab can / /
de dag la ni khyed brten na / /
khyed kyis mkhyen gyi gus par mdzod / ces dang / zhi ba lhas / rtag par dge ba'i bshes gnyen ni / /
theg chen don la mkhas pa dang / zhes pa dang / tsantra go mis / bla ma sdom la gnas shing mkhas / /
nus dang ldan la blang bar bya / zhes gsungs shing / mdo sde rgyan du / bshes gnyen dul ba zhi zhing nyer zhi ba / /
yon tan lhag par brtson bcas lung gis phyug /
de nyid rab tu rtogs pa smra mkhas ldan / /
brtse ba'i bdag nyid skyob spangs la brten / zhes tshul khrims dang ldan pas dul ba dang / ting nge 'dzin dang ldan pas zhi ba dang / shes rab dang ldan pas nyon mongs pa nyer zhi dang / yon tan gzhan las khyad par du 'phags pas lhag pa dang / gzhan don la le lo med pas brtson 'grus dang bcas pa dang / thos pa che bas lung gis phyug pa dang / shes par bya ba'i de kho na nyid rab tu rtogs pa dang / tshig [B:24b]smra mkhas pa dang / zang zing la mi blta bas brtse ba dang / chos ston pa la skyo ba med pa ste / chos bcu ldan dang / byang chub sems dpa' thos mang dang / /
bden mthong smra mkhas brtse ba can / /
skyo med skyes bu dam pa ni / /
chen po yin