[A:28a]gyis ni dag ste / /
'di ni nyes pa brgyad dag dang / /
bral ba nyid du shes par bya / /
le lo dang ni mi go dang / /
skabs mi 'byed dang ma nges dang / /
the tshom dag ni mi gcod dang / /
de dang bral bar bstan mi byed / /
skyo ba dang ni ser sna nyid / /
'di dag gtam gyi nyes par 'dod / /
de dag med phyir sangs rgyas kyi / /
bshad pa bla na med par 'gyur / /
zhes / gtam gyi nyes pa brgyad dang bral bas 'khor gsum dag pa'i bshad pa'am / rnam bshad rigs par / brjod pa'i skyon bcu gcig gi gnyen por chos kyi gtam rnam pa nyi shu dang ldan par gsungs te / spyod lam mi sdug par 'dug pas snod ma yin pa la brjod pa'i skyon gyi gnyen por nyan 'dod pa nyid dang / bshad pa'i 'os su gyur pa nyid du shes nas smra bas dus su smra ba'o / /
bdag gi bshad nyan 'di lta bu la de ma tshang bas / snying po med cing lam du 'gro bar ma mthong ngo / /
brjod pa yongs su ma rdzogs pa'i skyon gyi gnyen por brnyas pa med par sgrim pas smra ba'o / /
brjod pa bar [C:37]chad pa'i skyon gyi gnyen por gsum ste / go rim du smra ba ste dus sngar bya ba sbyin pa la sogs pa dang yang dag phul gyi gtam las brtsams nas smra ba ste bstan pa'o / /
mdo sde rnam par bshad pa las brtsams nas brgal ba'i tshig rgod smra ba mtshams sbyar bar smra ba'o / /
rjes su mthun par smra ba ni 'dri ba'i lan lung bstan pa las brtsams te mgo gcig tu lung bstan pa la sogs pa rnams la de bzhin du lung ston pa'o / /
brjod pa go bar mi byed pa'i skyon gyi gnyen por gsum ste / dad pa can rnams la dga' bar bya ba dang / sngar gnas pa dang zhe 'gras pa rnams la 'dod par bya ba dang / bar la gnas pa the [B:25b]tshom can rnams la mgu bar bya ba'o / /
brjod pa mchod par mi 'gyur ba'i skyon gyi gnyen por gnyis te / sdig pa'i las can spro ba bskyed pa'i 'os ma yin pas spro ba mi bskyed pa dang / smad na snying na ru 'ong bas mi smad pa'o / /
don 'thad pa med par brjod pa'i skyon gyi gnyen por rigs pa ste / tshad ma dang mi 'gal ba'o / /
don zab mo'i spyod yul ma yin pa dbang po tha ma la zab mo brjod pa'i skyon gyi gnyen por 'brel ba ste snga phyi 'brel ba'o / /
rnam par g.yengs nas brjod pa'i skyon gyi gnyen por ma 'dres pa ste / gtam gzhan du 'phro pa spangs pa'o / /
don med pa brjod pa'i skyon gyi gnyen por chos dang ldan pa ste dge ba dang mthun pa'o / /
mi 'tshams par brjod pa'i skyon gyi gnyen por 'khor ji lta ba bzhin te gdul bya dang 'tsham pa'o / /
nyon mongs pa can gyi bsam pas brjod pa'i skyon gyi gnyen por lhag ma lnga'o / /
nyon mongs pa can gyi bsam pa ni gsum ste / bdag bzang por yid ches par bya ba'i bsam pa dang / dad nas bkur sti byed par 'dod pa'i bsam pa dang / phrag dog gi bsam pa'o / /
dang po ni gnyen por gsum ste / byams pa'i sems / phan pa'i sems snying brtse ba'i sems / gsum ni nyan pa po bde ba dang nyon mongs pa med pa dang / sdug bsngal med par smon pa gsum mam / dge ba dang mi dge ba la phyogs pa dang tha mal pa dag la byams sogs rim pa bzhin nam / mya ngan las 'das pa dang / de'i lam rtogs par bya ba dang / bshad pa'i don khong