[A:31b]'debs na / /
rab rgyas ma bslabs bdag gis zhes / /
thog mar tshig de brjod par bya / /
khyod ni shes shing mkhas yin na / /
bdag nyid chen po'i mdun du ni / /
bdag gis ji ltar bshad nus zhes / /
khyod kyis de skad brjod par bya / /
'phral du brjod par mi bya yi / /
snod la brtag pa byas nas bya / /
gal te snod ni shes gyur na / /
gsol ma btab kyang bshad par bya / /
'khor ni mang po 'khod nang du / /
gal te ngan tshul ngan mthong na / /
khyod kyi yo byad bsnyungs mi bshad / /
sbyin pa'i bsngags pa brjod par bya / /
gal te 'dod pa chung zhig ste / /
tshul khrims dag par gnas yin na / /
khyod kyis byams pa'i sems bskyed la / /
yo byad bsnyungs pa'i gtam gyis shig /
gal te sdig 'dod chung gyur cing / /
tshul khrims ldan pa mang gyur la / /
gnyen po rnyed pa de yi tshe / /
tshul khrims bsngags pa brjod par bya / /
zhes bshad pa bzhin no / /
IIIBcb1. gnyis pa ni / dgos pa don du gnyer ba'i bye brag gi mtshan nyid gtan la dbab pa dang / sgrub pa nyams len ci rigs par 'chad pa'o / /
IIIBcc1. gsum pa la / a2. sbyor b2. dngos c2. rjes gsum gyi /
IIIBcc1a2. sbyor ba la bkod pa bshams pa dang / dkon mchog la gsol [B:28b]ba gdab pa dang / bdud tshar bcad cing 'khor la byams pas khyab par bya ba gsum mo / /
dam pa'i chos pangma dkar po las / mkhas pa dus su sems par byed pa na / /
khang bur zhugs te de bzhin sgo bcad nas / /
chos 'di thams cad la ni tshul bzhin blta / /
langs nas zhum pa med pa'i sems kyis shod / /
mkhas pa bde la rtag tu gnas par 'gyur / /
bde la 'dug nas de bzhin chos kyang ston / /
gtsang zhing yid du 'ong ba'i sa phyogs su / /
yangs pa'i stan ni rab tu bshams bting ste / /
bzang