[A:3b]tshul ji ltar sgrub cing nyams su blang ba dang / IV. bsgrub bya'i chos ji ltar byung ba'i tshul las / /
I. dang po la / A. spyir dam pa'i chos nyan bshad kyi phan yon dang / B. khyad par theg pa chen po'i chos kyi nyan bshad kyi phan yon gnyis las /
A. dang po la / a. mnyan pa dang / b. bshad pa dang / c. gnyis ka'i phan yon gsum gyi dang po ni /
IAa. byang chub sems dpa'i sde snod las / /
thos pas chos rnams shes par 'gyur / /
thos [C:4]pas sdig las ldog par 'gyur / /
thos pas don med spong bar 'gyur / /
thos pas mya ngan 'das pa thob / /
ces gsungs la / de'i don rnam bshad rigs par / de la rkang pa bzhi po 'dis ni rim pa ltar phyi nang gi grub mtha' shes pas blang dor gyi gnas shes pa dang / tshul khrims kyi bslab pa thob nas [B:3b]nyes spyod las ldog pa dang / sems kyi bslab pa thob nas don med pa'i 'dod pa spong ba dang / shes rab kyi bslab pa thob nas de la brten nas zag zad mngon du byas te myang 'das thob pa de bzhi 'am / yang dag pa'i lta ba rnyed pa dang / las dang nyon mongs dang / skye ba'i kun nas nyon mongs las brgal ba ste bzhi dang / chos 'dus ba la dad pa rnyed pa dang / rab tu 'byung ba dang / dbang po'i sgo bsrungs pas 'dod pa las 'dod chags dang bral bas gnod pa spong ba dang / bden pa rtogs nas myang 'das thob pa ste / bzhi la bshad do / /
rnam bshad rigs par / bcom ldan 'das kyis chos mnyan pa la phan yon lnga gsungs te / ma thos pa thos par 'gyur ba dang / thos pa yongs su byang bar 'gyur ba dang / som nyi spong ba dang / lta ba drang por byed pa dang /