[A:4b]bya'o / /
de lta bas na phan pa lnga po de 'dod pas gus par sangs rgyas kyi gsung mnyan par bya'o / /
mes bya ba bzhi byed de / bsreg pa dang / tshos par byed pa dang / dro bar byed pa dang / gsal bar byed pa'o / /
de bzhin du sangs rgyas kyi gsung gi mes kyang rgyud smin pa rnams la nyon mongs pa rnams bsreg pa dang / rgyud ma smin pa rnams la dge ba'i rtsa ba rnams smin par byed pa dang / srid pa la mngon par dga' ba rnams skyo bar byed pa'i phyir gdung bar byed pa dang / skyo bar gyur pa rnams dang the tshom zos pa dang lam ngan par zhugs pa rnams la lam dang lam ma yin pa yang dag par rab tu ston pa'i phyir gsal bar byed pa yin no / /
de lta bas na gus pas chos mnyan par bya'o / /
gzhi lnga dag gis 'jug ngogs bde ba la brten par bya ste / dri ma med par bya ba'i phyir dang / tsha ba rab tu zhi bar bya ba'i phyir dang / skom pa rab tu zhi bar bya ba'i phyir dang / dga' ba'i rtsed mo nyams su myong bar bya ba'i phyir dang / tshu rol gyi 'gram nas pha rol gyi 'gram du phyin par bya ba'i phyir dang / sangs rgyas kyi gsung 'jug ngogs bde ba la'ang de bzhin te 'chal ba'i tshul khrims kyi dri ma med par bya ba'i phyir dang / 'dod pa'i yongs su gdung ba rab tu zhi bar bya ba'i phyir dang / yang [B:4b]'byung ba'i srid pa zhi bar bya ba'i phyir dang / bsam gtam dang mngon par shes pa dang tshad med pa dang / rnam par thar pa la sogs pa yon tan khyad par can gyi dga' ba'i rtsed mo nyams su myong bar bya ba'i phyir dang / tshogs nas gyi 'gram 'jig tshogs nas pha rol gyi 'gram mya ngan las 'das par 'gro bar bya ba'i phyir ro / /
de lta bas na / 'jug ngogs bde ba la