[A:105] bsngags kyi me tog dus su legs par 'thor ba ste | ji skad du | rgyal ba'i blo gros lhag bsam stobs dang ldan | | thog mar bar du bstan pa'i gnyer kha ba | | lan gcig bskal pa dus kyi tha mar yang | | mdo khams tsha bai lung zhes bya ba na | | rnal 'byor dbang phyug rarna'i mtshan can zhig | gsang sngags bstan 'dzin 'gro ba dpag med 'dren | | dgyes pa'i mdangs ldan dpa' bo'i gzugs stobs can | | yig bdun bstan pas 'gro ba skyong byed cing | | kun kyang gsang sngags mchog la 'god byed 'byung | | zhes gsungs pa ltar ro | |
dus mthar gsang sngags bstan pa'i dpal gyur mkhas grub gnyis ldan gyi skyes chen dam pa gang de thog mar sku 'khrungs pa'i tshul yang 'dzam gling stong khun rgyal po'i yul mtha' mdo khams rgyal mo tsha ba'i rong zhes bya ba'i yul bye ma thang du ( spyi lo 1350 | rab lo 6.24 ) lcags pho stag la rab dkar sngon las kyi stobs che ba'i rigs rus mthon po'i pha ma ya rabs kyi sras su smon 'dun mchog gis bsam bzhin sku'i skye srid bzung skabs yum gyi rmi lam du mchod rten ngo mtshar can legs bskrun mdzad pa'i snang ba sogs dge mtshan du ma mngon du gyur cing | phyogs de'i yul ljongs rnams su lo legs 'bru bcud phun sum tshogs pa sogs dpal dang 'byor pa'i 'phel kha rgya che ba grong khyer gyi gnas khang dkor mdzod rnams la 'od zer gyi phung pos khyab pa sogs thun mong gi yul sde'i snang ngor ches ya mtshan pa kun nas 'phyur bar gyur te | de nas mngal yongs su rdzogs pa'i gnas skabs na ngo mtshar dge ba'i legs tshogs du ma'i ltas bzang po dang bcas stag gi lor gzugs sku'i me tog kun nas gsar pa'i dpal gyi lang tsho lhums nas nye bar bltams te mngon par bzhad pa'i dga' ston mngon du gyur |
de nas gzhon nu bskyed bsrings pa'i skabs byis pa'i dus na chu bo'i pha rol gyi brag ri la glegs bam du ma brtsegs pa chos phung che bkrs ba'i rnam pa mtha' klas pa dag snang gi gzigs mo rang shugs kyis ngoms pa sogs snod bcud dag pa'i snang ba kun nas mang zhing | rang rang na mnyam pa'i byis pa rnams la chos kyi dga' ston 'gyed pas phan 'dogs nus pa sogs 'gro ba rang ga las ches khyad mtshar che ba zhig go | | de dag ni sku 'khrungs pa'i skabs te dang po'o | |
de nas smra shes rang mgo thon pa'i gnas skabs tsam na 'jig rten 'di snang la snying po med par dgongs nas yab yum sogs las lkog tu bros te | mngon shes mchog mnga' ri pa shes rab dpal zhes bya ba thag ha cang mi ring bar bzhugs pa de nyid kyi drung du slebs pa na | ri pa blo gros sngon nas mngon shes kyis ji bzhin mkhyen nas rang gi nye 'khor dag la de ring skyes bu dam pa zhig 'byon par 'dug pas rang cag gis dga' bsu dgos tshul gsungs pa ltar khong dpon slob kyis bsu bkod mdzad nas bla ma de'i mdun nas thog mar yi ge bslabs pas 'bad med klog bzang phul phyin du mkhyen pa byung |