[A:129] mgon | rnam rgyal ma | '0d dpag med | spyan ras gzigs phyag stong spyan stong | dus 'khor | rgyal ba seng ge nyid kyi sku 'dra sogs lug ma dang | steng 'og kun la logs bris ches mang ba sogs de kun la yon 'bul rab gnas mtha' rgyas dge mtshan dang bcas so | |
gzhan yang sa skya'i bla ma nam mkha' rgyal mtshan gyis chos rje nyid 'ba' lha sgang du gdan 'dren mdzad skabs rnam rgyal mchod rten phyin nang gi bkod yongs rdzogs bzhengs par bskul te legs grub kyi dus su nyid kyis rab gnas gnang skabs mchod rten gyi dbus su nyi ma'i 'od zer lta bu 'khyug cing nam mkha' sa gzhi rgyang grags kyi tshad kun nas yongs su khyab ste 'khar rnga dang dril bu 'khrol ba lta bu'i sgra gdangs snyan pa der gnas skye bo dag gi mthong thos su gyur pa sogs ngo mtshar dge mthan che ba dang | de la sogs pa'i gnas so sor mchod rten brgya dang bcu gsum bzhengs par grags skad |
gzhan yang che ba ldan gyi dpal 'dzam thang bsam 'grub nor bu'i gling 'di nyid na de dus su khang chung rten gsum ldan pa lnga brgya sogs rten khang ches mang zhing | nang lung rtogs kyi yon tan mnga' ba'i 'dus pa khri phrag las brgal ba gang dag gis chos tshogs kyi grwa che ba rgyas ngos nas bshad sgrub zung 'brel la phan tshun 'gran pa lta bu'i sgo kun nas legs dar gyi mdzad bzang bla na med pa'i ngang thams cad thugs mthun khrims gtsang ya rabs kyi spyod rlabs rgya che ba rab byung gtsang dag gi chos gzhi 'khor yug tu lcags ri rgya phibs bcas sogs kha rje'i dpal ches mtho zhing dar bar gyur |
de skabs chos rje gang gi srid dbang gi che ba'ang rwa rdzong pho brang sdud rab brtan rnam rgyal rtse ches khyad yongs su rdzogs pa'i nang khong nyid kyi nang srid sku tshab dbon bkra shis rgya mtsho dang phyag mdzod rgyal ba dpal sogs lugs gnyis la rnam dpyod kyi sgo yangs pa du mas gtsos che rgu drung 'khor ches mang gis mnga' 'og gi 'bangs sde kun la chab srid lhag par snyoms pas mtho dman thams cad la phan pa'i legs sgo ji bzhin ster ba'i srid dbang dang bcas te mdun thang shog khang zer ba der phyogs nas 'ong ba'i dpya khral bsdu gnas su mdzad cing mdo smad thang chen brgyad la spyi rdzong bryad dang sa mdo re la rdzong phran re dang bcas de dag kun la rdzong bdag las tshan pa bsko bzhag mdzad pa sogs srid kyi dbang cha ches dar ba'i kha rjes dpal kha nye bar thob pa ste | 'di'i sku dus su khong gis chags 'debs mdzad pa'i dgon lag yang | smra lcags ri 'od 'bar dgon | rdo'i lha khang sum mdo | rdo stod dgon gsar bkra shis gling | rdo smad dar rgyas chos rdzong dgon | rag khrom dgon | ljags mda' dgon | nyig rje dgon | 'ba' lha sgang dgon | lho cog steng dgon | 'ob gangs dkar dgon | rgya kha bkra shis gling gi thub bstan bshad sgrub gling | sog yul karma lha khang dgon | smra lha khang sum mdo rje dgon | 'dzi ka'i lha khang thang gi dgon pa sogs dgon lag brgya dang bcu gsum btab pa de dag tu rten gsum khyad