[A:141] rdo rje dang | bcu gnyis pa byang chub rdo rje gnyis dang | zhwa dmar bdun pa'i dus dang | gong ma chin rabs khang shis sogs kyi dus tsam du mngon no | |
chos rje sku phreng drug pa nges don bstan pa dar rgyas |
6. sku phreng drug pa nges don bstan pa dar rgyas kyi lo rgyus ni | chos rje 'di ni mgo log smra yul yo stag tu a lcags kyi rus su 'khrungs | de nas bskyed bsrings lo lnga'i dus tsam na sngon gyi chos rje'i chas 'ga' ngos 'dzin dang rdo la zhabs rjes bzhag | khong gis khang thog nas dkar yul 'o mas bkang bzhin 'phangs pa gas chag ma zad 'o ma tsam yang phyir ma 'bo bas kun ngo mtshar skyes | de mtshams shig nas chos rjes sku bdag byas te bsu bkod kyis gong ma'i gdan sar 'khod | dgung lo brgyad skor la klog yig dang rig gnas 'ga' zhig la sbyang brtson mdzad |
de nas rim bzhin dam pa du ma bsten nas thun mong sdom pa sngon song gis mtshan nges don bstan pa dar rgyas zhes gsol nas rang lugs dus kyi 'khor lo'i rim gnyis kyi zab bka' mtha' dag mnon te ji bzhin gong ma'i phyag bzhes bzhin nyams len mdzad | 'di skor gong ci rigs su nges don gyi dgongs 'grel byams chos sogs mkho che ba'i gzhung lugs pa'ang thos bsam mi dman pa dgyis pa sogs mdo sngags kyi zab bka' de dus rang re'i gong ma'i phyag srol ji ltar yod pa bzhin gyi thos bsam 'chad nyan sogs gang ci'i thad nas dam pa gong ma'i sku skyes su nye bar 'os pa'i mdzad bzang mtha' dag tshags su tshud nges byas shing | de mtshams skor zhig nas chos rje sprul pa'i sku khong gis bsnyen sgrub spyin dang khyad par rigs brgya'i rnal 'byor ma rnams mchod pa'i skabs bar bar du dkyil 'khor phyogs mtha' la mchod rdzas rigs 'dra min sna tshogs pa gang nas byung cha med par rang byung gi tshul du thun mong mthun snamg la byung ba dus dus su yod par grags la | de nas re zhig gi tshe khong nyid rgyal rong thugs rje chen po'i gnas mjal la phebs skabs jo bo'i mdun nas phyag mchod sogs kyi skabs | jo bo'i zhal nas gsung byon te | 'phags pa'i sku khyed bde bar byon nam | zhes pa'i gsung gsal po der gnas kun gi rna ba'i lam du mngon gsal gyis thos pas de kun ngo mtshar du gyur te ha las so | |
de rjes mi ring ba tsam nas khong gis rdo la rdo dkar las grub pa'i yi ge drug ma rang byon ches khyad mtshar can dang | shing la gru gsum 'bur du dod pa'i chos 'byung gi gzugs khyad legs sogs ngo mtshar ba'i gter rdzas du ma phyag tu son zhing | de nas re zhig tu gter ston gyi rnam pa'i sngags 'chang gi spyad tshul mdzad nas gling za yum du bzhes te khong gi pho brang khang gsar gyi zur du gling hwa tshang zer ba'i gzhis ka bzung ba na der brten rim gyis 'dzam thang gi chos sde yang sngar yod bzhin 'grig khrims kyi sgo dam po kun nas lhod par gyur te 'di phan chad nas dgon dud dang 'dres ma can du rim