[A:150] gyi sku dus tsam du'ang mngon no | |
chos rje sku phreng brgyad pa mi pham chos kyi byams pa |
8. sku phreng brgyad pa mi pham chos kyi byams pa'i lo rgyus ni | de yang mgo log yo stag gi rmog gdong zer ba'i grong der a lcags rigs rus kyi brgyud pa sngags 'chang nam mkha' rang grol yab yum gyi sras su sa lug lor ngo mtshar ltas bcas chos rje 'di sku 'khrungs pa yin la | de nas rim pas sku na son skabs 'dzam thang chos rje'i sku skyes su ngos 'dzin dang bcas sku bdag gis gong ma'i gdan sar che ba'i khri ston byas shing rim gyis dgung lo brgyad slebs skabs yongs 'dzin rtogs ldan mkhas mchog gi drung nas klog yig sogs bslabs te tshegs med du mkhas par mkhyen | de nas re zhig gi tshe rdo rje 'chang bslab gsum mchog gi dbang phyug skyabs rje ngag dbang bsam gtan zhabs pa gang drung du sdom pa zhu ru phebs skabs | khong gis thugs dgyes spro shin tu rgya che ba'i ngang sku chas legs pa'i rten 'brel bzang sgo nas dge bsnyen dang rab byung gi sdom pa gnang ste | mtshan ngag dbang chos kyi seng ge mdo rgyud bstan skyong zhes gsol | de nas byang chub sems sdom dang | grub rgyal lugs kyi tshe dbang sogs zab bka' du ma gsan |
dgung lo dgu tsam steng nas skyabs rje rdo rje 'chang de nyid kyi mdun nas zab lam yan lag drug gi dbang lung man ngag bshad khrid yongs rdzogs dang | gzhan yang khong gi zhal nas | khyed bstan pa'i mnga' bdag yin pas bshad sgrub kyi bstan pa skyong dgos shing | gsungs nas zab bka' rgya cher stsal | de lugs bzhin nyams len gnad smin gyis rtogs pa'ang mchog tu gyur cing | de nas dgung lo bcu gcig gi dus tsam na skyabs mgon rin po ches dag zhing gzigs pas chos rje 'dis gdung mchod phyag smon gzab ldan dang gser dngul gyis gdung rten khru gang legs bskrun mdzad | de sogs 'di phyogs kyi bshes gnyen du ma bsten nas zab bka' mang du zhus |
dgung lo bcu bzhi'i skabs dpon slob dang bcas sde dge'i dpal spungs su phebs nas | 'lam mgon kong sprul yon tan rgya mtsho'i drung nas jo nang rang lugs kyi chos bka' ci rigs dang shangs chos sogs bka' rnying sa dge'i zab chos mang du zhus te | mtshan kun dga' mi pham chos kyi byams pa zhes gsol nas chos bka' de dag gi mnga' bdag tu legs bskos mdzad | gzhan yang mdo sngags kyi gzhung lugs dang rig gnas yang mang du gsan sbyang byas shing | de dus su kun mkhyen dol po ba'i sku brnyan rgya nag nga 'dra ma khyad legs can khong la gnang sbyin mdzad pa de da lta rten khrod du yod bzhin pa dang | de skabs sde dge phyogs su lo mang tsam bzhugs nas zhabs drung 'jam dbyangs