[A:152] bsod la phebs dgos tshul zhus pa na | khong gi zhal nas | da lan byon na tshur rang gnas su slebs dka' tshul gyi yin lugs yang yang gsungs kyang sku dbon nas bka' nan ma chog stabs mi byon thabs med byung bas de ltar smra rong la phebs dgos byung nas yul de phyogs su thon tsam nyid nas glo bur du sku bsnyun gyis zin te zhag shas las ma 'gor bar ya mtshan ltas bcas gzugs sku'i me tog gi lang tsho 'phral du yal bar gyur to | | de rjes 'dus sde yongs nas dgongs mchod gdung rten bcas sgo kun nas mi dman pa'i tshogs bsags kyng legs bskrun mdzad cing | 'di dang thog mnyam bod ljongs rgyal ba'i sku phreng bcu gcig pa'i smad dang bcu gnyis pa dang | gong ma chin rabs keng shu'i rgyal po sogs dang | 'dzam thang 'dir gtsang pa'i gdan rabs pa 'jigs med rnam rgyal gyi yang sprul tshab 'jam dpal mthu stobs rnam rgyal dang | sgrub brgyud 'dzin pa'i slob dpon kun dga' dpal ldan zhabs kyi sku dus tsam yin no | | chos rje sku phreng dgu pa 'jigs med dbang po |
9. sku phreng dgu pa 'jigs med dbang po'am bstan pa'i nyi ma zhes pa'i lo rgyus ni | 'di yang mdo khams shar phyogs rgyal rong tsha ba so mang rgyal po'i mnga' zhabs zangs dkar bar ma'i sa char gong ma'i lung gis mngon par mtho ba sku phyogs phar mtha'i gdung rus las chad pa yab dmu dge nor bu dang yum bkra shis skyid gnyis la rigs sras sprul sku gsum dang lcam gcig yod pa las na rim gnyis pa'i tshul du shing bya'i lor yab yum gyi rmi ltas legs pa sogs dang bcas sku bltams | de yang sku na chung ba'i dus nas zil che ba smad la stag sham gyi ri mo'i sha mtshan bkra ba thugs rig phal pa gzhan las ches dwangs pa zhig ste chung ming bstan pa dar rgyas su gsol | sku ma bltams gong du'ang phar mtha' rol pa'i rdo rjes ma 'ongs lung bstan gyi tshul du sku skyes rigs bzang du lung gsal por bstan | gzhon nu bskyed bsrings pa'i skabs smra shes tsam nas nga nyid 'dzam thang rmog gdong chos rje yin tshul yang yang gsungs | de skabs khong gi thugs snang la 'dzam thang dgon spyi dang khyad par ches bcu stod kyi pho brang bkra lam du wal wal shar ba byung | tshul de 'dzam thang chos rje gnas pas rnga stod du byis pa rigs can zhig yod pa de dang 'di gnyis sku skyes gang yin gyi thugs brtags rges gter khrag 'thung sdud 'joms rdo rje la zhus tshe | gter ston khong gi zhal nas | rnga stod kyi byis pa de lug rdzi zhig 'ong shas che | phar mtha'i sku skyes de | rma bya sngon mo dug 'thung ma | dug re 'thung na mdangs re gsal | | zhes gzhan gyi gnod pa gang gis mi tshugs pa'i chos rje'i sprul pa'i sku skyes su lung bstan pa ltar 'dzam thang chos rje sgar gyi sprul dbon 'ga' shas sku bdag tu thon skabs chos rje gong ma'i phyag dril 'phreng ba sogs ji bzhin ngos 'dzin gsal pos kun gyi yid ches dad gus ngang sku skyes