[A:159] gyi bka' yig tham can 'ja' sa gnang sbyin bcas kyis che bkur khyad par ba byas shing ( ma yig gi mchan | gzhan chos rje 'di ba 'dzam thang rjong gi kru'u rin u yon dang phyogs ni dmangs dngul zla re la brgya phrag gsum ri ba lhag re gnang | ) lo 'dir chos rje dpon slob mgon po 'brong re'i gnas skor la phebs dus su lam gyi 'phral rkyen nyi tshe ba'i gnas tshul lkog gyur bar bar thugs kyis mngon sum mkhyen cing khyad par chos rje khong gis sku tshe gang bor yi dam sgrol ma'i bsnyen sngags dung phyur gcig dang phyed phyag 'tshal nyer gcig gi bstod rgyud 'bum ther bdun cur nye ba zhal 'don mdzad pa sogs kyi grub 'bras dus su legs par mngon pa yang khong dpon slob 'brong re'i gnas su phyin skabs grwa 'khor kun gyi mthong snang mnyam por rje btsun 'phags ma'i thugs rje'i dge legs kyi mtshan ma ljang gsal 'od bzang gi phung pos sa gzhi dang grwa 'khor la ljang lam mer khyab cing de skabs sku 'khor re'i lag tu legs byas ri mo mang dag gis kun nas mdzes pa'i g.yu rdo sngo mdangs can dngos su rnyed de chos rje la phul ba sogs ngo mtshar ba'i ltas mngon gsal can du ma yongs kyi mthun snang du gyur te gnas der bzhugs skabs gsol mchod kyi tshe thang rer chos rje'i sku mdun du mtshan mor skya mi mang po sogs mi min gyi mjal phrad du ma dngos su byung ba dang | lam bar du byon skabs chos rje'i dbu thog tu 'ja' zer zlom po kun nas 'khor ba legs pa'i legs mtshan ltas bzang khyad par ba bsnyon med zol bstod tsam ma yin par der gnas dag gi dbang po'i spyod yul du ci dgar mngon du gyur pa brdzun dang bral nges su 'dug cing | gzhan yang gdon 'dre la 'phral du khrus gcod bka' bsgo tsam byas pas 'dre ngan gtan bral byed pa dang 'tshe byed 'byung po'i rang gzugs mngon sum mthong ba dang 'byung 'gyur ma 'ongs pa'i tshul du ma sngon nas thugs la ji bzhin gsal bas mtshon de rigs kyi gzhan phal pa las ches 'phags pa'i yon tan gyi cha mang dag re sku 'khor nye gnas rgyun sdod dag la tshad mas nges su yod pa'i lo rgyus kyang mang la | chos rje 'di'i sku tshe gang bor bka' chos dag tshar mang po | sgrol ma 'bum ther | dus 'khor stong chog | gdugs ring khri | tshe bsnyen dung phyur sogs gsung sgrog du ma'i yon bcos ches mang po bgyis shing khong gi slob tshogs kyang tshes bcu'i sku phreng brgyad pa la dus 'khor bsdus rgyud kyi bklag lung dang | bla ma mkhyen brtse sogs grwa pa mang dag la sgrol dkar yid bzhin 'khor lo'i dbang lung khrid bcas phyag 'tshal nyer gcig gi lung sogs rim pas gnang bas slob tshogs de dag dang | nyid kyi mdun nas dkar rtsis kyi rig slob pa bla ma dge mchog | bla ma blo chos | bla ma kun dga' snyan grags | mtsho skyes sprul sku | phur rtsa bla ma chos blo | sher blos sogs mang tsam yod cing | rnam dkar gyi mdzad sgo gzhan yang dgung lo don gcig skor nas sbyangs pa mchog sprul gyis bzhengs pa'i dol po'i zab sku'i lha mgron du gtsang pa grub chen sgrol ma dkar ljang bcas kyi sku