[A:163] sman rts'i zhol pA la rje mo'i thang du sku 'khrungs | cher bskyed sku na son skabs chos rje dpal 'byor bzang pos tshes bcu rarna kIrti'i yang sprul gnyis par ngos 'dzin mdzad nas sku bdag dang bcas tshes bcu'i gdan sar mnga' gsol de nas bzung yi ge slob sbyong sogs kyi mthar chos rje dpal 'byor bzang po'i mdun nas mdo sngags kyi zab bka' bshad khrid man ngag yongs rdzogs gsan te thugs sgom sgrub la brtson pa lhur len bzhin du skabs skabs su chos rje gzhon nu rgyal mtshan sogs gzhan dam pa mang po'i drung nas kyang zab mo chos kyi sgo du ma nod nas de don nyams len gyis gnad gel tshags su tshud cing | sprul pa'i sku 'di nyid kyis sgrub gnas 'dzi stod kyi ri khrod sogs dben gnas du mar mtshams sgrub thugs dam rtse gcig mdzad pas nyams rtogs phul byung grub pa'i yon tan la mnga' brnyes te yi dam lhag pa'i lha mang po'i rnal 'byor dang | khyad par 'phags pa thugs rje chen po'i rtogs pa mngon du mdzad nas tshes bcu sgar gyi mnga' bdag tu bzhugs | nus mthu rlabs che bas chos skyong gzhi bdag gi sde rigs bran du bkol zhing mi dang mi min gyi 'gro phan rgya cher mdzad cing 'dzi yul mchog dman yongs kyi bla mar bkur te bstan 'gro la sman pa'i mdzad sgo kun nas rgyas pa sogs chos srid kyi mnga' thang mi dman pa'i tshul gyis mdzad 'phrin mthar rgyas byung rjes 'dir 'gro don re zhig rdzogs pa'i bkod pa bstan nas sku zhi bar gshegs te dgongs mchod sogs kyis rjes sgrub mdzad |
'di nas yang sprul gsum tsam gyi ring la rgyal ba rdo rje bstan 'dzin gang gi sku dbon rgan mnyam nyid rdo rje zhes pa sngar sku tshe stod du mu rdi'i stod phyogs su dgon pa btab nas bzhugs pa la | bar skabs shig nas khu bo'i gdan sa skyong dgos byung bas 'dzam thang tshes bcu stod du phebs nas rgyun bzhugs mdzad de tshes bcu sgar gyi lugs zung la thugs rtog dang bcas gtso bor nyid kyi nyams bzhes rgyal ba mi 'khrungs pa'i bsnyen sgrub la thugs brtsonlhur len gyi sgo nas bzhugs shing | kaH thog gter chen gyi slob brgyud sngags rnying ma'i nus ldan slob dpon lhun grub rgya mtsho zhes pas dbon 'di nyid la bka' gtad byas pa'i gter bsrung sha za kha mo che bran ltar bkol zhing rtags dang cho 'phrul nam dgos dus su ngom par mdzad cing | sku tshe mdzad pa mthar phyin gyi bar bzhugs nas tshes bcu'i gdan sa bskyangs rjes zhing gzhan du gshegs so | |
tshes bcu sku phreng gsum pa nus ldan rdo rje |
3. de yang tshes bcu'i sku phreng gsum pa sprul sku nus ldan rdo rje ni | mkha' ras zhes pa'i sde srid du sku 'khrungs shing | sku na chung ngu'i dus nas thugs rig gsal ba dam pa'i chos la mos spro che ba sogs ches dbang po rab kyi yon tan mngon par mtho ba'i sku skyes rigs phun sum tshogs pa ya mtshan bkur bar 'os pa zhig ste | tshes bcu sgar gyis sku bdag dang bcas 'dzam thang du legs