[A:10] tshul can tu 'gyur | | de yis rig pa grub pa ni | | sAla'i pho nya mo zhes brjod | | de yi sngags kyi mthu yis ni | | blo ni bzang po skyes par gyur | | bstan pa yun ring gnas bya'i phyir | | mdo yi de nyid don bsdud byed | | lo ni brgya dang lnga bcu 'tsho | | de lus zhig nas lha yul 'gro | | 'khor ba rnams su 'khor ba na | | yun ring bde ba rjes myong nas | | bdag nyid chen po mthar gyis te | | byang chub thob par 'gyur ba yin | | zhes pa'i lung gis bsngags pa 'phags pa thogs med ni | yi dam spyan ras gzigs kyis rjes su bzung ba bram ze mo gsal ba'i ngang tshul ma zhes pa'i sras su 'khrungs te rgyal rigs su gyur pa'i skyes bu rig gnas thun mong dang thun mong ma yin pa'i mdo sde'i don phal cher thugs su chud par byas nas sher phyin gyi dgongs don rtogs dka' bar dgongs te | de'i don du lhag pa'i lha zhal mthong ched slob dpon arhata la sgyu 'phrul drwa ba'i dkyil 'khor du dbang bskur ba mnos pas me tog rgyal ba mi pham pa la phog go | | de nas ri bo bya rkang can du grags pa'i phug gcig tu lo bcu gnyis su 'phags pa byams pa bsgrubs te byams pa'i zhal dgongs su mthong nas dus de nyid du slob dpon gyis chos rgyun gyi ting nge 'dzin thob | ci 'dod gsungs pa la | theg pa chen po dar bar zhu zhes zhus pas | nga'i gos kyi mtha' la 'jus shig gsungs pa ltar 'jus pas de ma thag dga' ldan du slebs nas mi lo phyed lnga bcu 'am lo cha tshang nyer lnga tsam bzhugs te theg pa chen po'i chos mtha' dag gsan te mdo sde'i don kun thugs su chud | khyad par rgyal tshab byams pas 'khor lo tha ma'i dgongs don gtso bor byas te theg chen mdo sde spyi'i dgongs 'grel gyi tshul du rgyud bla ma | 'byed rnam gynis | rgyan rnam gnyis te byams chos lnga mdzad pa de slob dpon gyis gsan tshe don tshan re re gsan tsam gyis ting nge 'dzin gyi sgo mi 'dra ba re re thob cing | byams chos 'di dag gis rgyal ba'i dgongs pa mthar thug nges don phyir mi ldog pa'i gtam las brtsams te gzhan stong dbu ma chen po'i lta sgom ches gsal bar byas pa ji lta ba bzhin du slob dpon thogs med kyis kyang dgongs don de ltar thugs su byang chub pa'i tshul gyis slar yang mi yul du byon nas nges don dbu ma chen po'i shing rta'i srol legs par phye ba lags so | |
2. slob dpon 'di'i gcung dbyig gnyen yang bram ze'i rigs las byung ba'i yum gcig pa'i sku mched yin la | 'dis kyang thog mar nyan thus kyi sde snod mtha' dag byang chub par byas pas theg chen la mi mos pa'i tshul gyis bzhugs na re zhig gi tshe | gcen 'phags pa thogs med kyi dngos slob theg chen smra ba'i dge slong gnyis kyis mdo sde blo gros mi bzad pa dang | sa bcu pa gnyis gsung sgrogs byed pa thus pa'i rkyen gyis theg chen la mos pa'i thugs blo gting nas byung ste 'phags pa mchog gi drung nas theg pa chen po'i mdo sde mtha' dag tshar gcig gnas pa tsam gyis thugs su chud de theg chen spyi