[A:184] chen po | rdo rje gdan bzhi sogs | bde mchog | 'jigs byed | rnal 'byor ma'i skor mang po dang | gzungs grwa lnga | phur pa rdo rje 'phreng ba'i dbang yongs rdzogs | sa lugs mgon po'i skor dang bcas legs gsan mdzad la | de nas yag mdo'i dus 'khor rdul tshon gyi khar dus 'khor dbang chen dang | 'jigs byed | thams cad rig pa sogs kyi zab bka' yang mang po gsungs shing | de rjes gzims khang du dbon karma dam chos sogs grwa tshang brgya lhag tsam la | dus 'khor dang | sdom pa chen po'i dbang | kun rig gi dbang sogs kyang mdzad |
dgung lo drug bcu skor nas ka thog bla ma smon lam sogs dang | ngang bla ma mchog ldan sogs snga phyi du ma la dge bsnyen nas bzung so thar yongs rdzogs kyi sdom pa dang gsan chen zab mo'i dbang bka' mang po gnang | kong sprul rin po che 'dzam thang du phebs skabs khong gis gsang 'dus kyi dbang | gzhan stong lta khrid | gtsod skor rnams gsan zhing khrid yig mthong don steng nas sbyor drug cha tshang phar la phul bas kong sprul nyid nas thugs dgyes spro'i ngang rje bla ma la zhabs brtan smon tshig kyang legs 'bul mdzad | 'di skor rnga ba'i 'brog dge'i sku dbon yon tan rgya mtshos khong nyid tshes kha dgon du gdan drangs nas sprul dbon du mas gtsos 'dus sde mang po la | dus 'khor dbang chen | gshin rje | bde mchog rab 'byams yongs rdzogs sogs rgyud sde'i dkyil 'khor lnga bcu rtsa bdun gyi zhal phye nas rje btsun gyi gsung 'bum las byung ba'i dbang bka' khrid lung bcas bum pa gang byo'i tshul du legs par bka' drin mchog tu mdzad cing bar skabs 'dus pa ches mang po la mi 'khrugs pa sogs kyi khrom dbang mdzad skabs dbang nyan pa zha long sgur po gdon nad can sogs rang rang 'tshe mi 'dod pa las thar pa bsnyon med byung bas kun ya mtshan skyes te rje bla ma la sangs rgyas dngos kyi 'du shes 'jog pa dang | de sogs rnga yul phyogs kyi jo nang sa skya dge lugs sogs ma zad bon po tshun gyi chos sde nas 'ong ba'i 'dus pa stong phrag bdun lhag tsam la thams cad rig pa | tshe chog sogs kyi dbang bka' bskur bas kun gyi re 'dod skong bar mdzad pa sogs kyis de phyogs kyi rme'u rgyal po dpon sde sogs yul gru yongs kyi mchog dman thams cad kyis gus bkur bla med kyi sgo nas dngos 'bul rgya cher byas tshad thams cad kyis dgon khag so so la yon bcos spyi thebs rten bzhengs sogs rnam par dkar ba 'ba' zhig tu sbyar zhing | de'i phyi lor yang khong nyid de phyogs su phebs dgos pa'i nan bskul ltar legs phebs mdzad de tshes dgon | rtsi nang dgon sogs su sgrub sde'i rtogs ldan dag la rang rang dang 'tsham pa'i zab khrid kyi sgo sna tshogs dbang lung du ma bcas spyi sgos thams cad la chos char dbang bka' bskyed rdzogs gang dgos dang rtogs zhu mkhan rnams la ngo sprod gegs sel gang 'tsham gyis re 'dod ji bzhin bskangs pa ma zad g.yung drung bon lugs kyi rtogs ldan 'ga' la grol mchog khrid brgya sogs kyi