[A:186] gtang rag tu gsol 'debs zhabs brtan kyang phul | de rjes dpyi chen bai ro tsa na byon nas de la sbyor drug gi zab khrid cha tshang gnang bas bai ros kyang thugs ngo mtshar bas rjes nyid 'phags yul gyi paN grub du ma dang gangs ri'i ljongs kyi kun mkhyen jo nang pa chen po'i rnam 'phrul du che bsngags kyi bstod tshan zung cig kyang legs skyes 'bul bar mdzad | mkhar dbon sogs la bsnyen rdzogs sogs gsungs rjes khong nyid phur pa tshom bu 'bum sgrub tu bzhugs | de nas bla ma tshul khrims rgya mtsho sogs la phur ba'i dbang | lhar yag ri khrod pa bsam 'grub sogs la bsnyen rdzogs dang | 'dzam thang dbon karma dam chos sogs la dus 'khor sogs chos bka' du ma bcas 'di'i sngar lo la sad bsrung yang mdzad | de nas a skyong rgya bla mas zhus ngor dus 'khor dbang chen phur pa sogs dang | rtsang smad gu ru rdo rje sogs la mi 'khrugs pa'i dbang sogs dang | g.yu thog gi grwa pa 'ga' la so thar sdom pa tshigs gsum rim nod kyi tshul sogs chos bka' cher gnang zhing rnam dkar bsags sgo yang kun nas legs rgyas gzhan yang mang ngo | |
dgung lo don lnga'i skor g.yu thog mu ra bla ma sangs rgyas sogs la msnyen rdzogs dang slob 'ga' la rang rang gi 'dod mos ltar gyi chos bka' dang lam go'i bla ma rab rgyas sogs la nai gu'i zab bka' cha tshang sogs gnang zhing a skyong gong ma'i dpon lha chen 'das pa'i dgongs rdzogs dang dge bzhes mkhas btsun pa zhi bar gshegs pa'i thugs dam bkrol ba bcas gtsang sprul rig mchog sogs la dus 'khor gyi dbang sogs kyang mdzad de bstan 'gro la sgo gang thad nas phan pa rgya cher spel |rim pa de ltar gyis nyid dgung grangs don brgyad du son skabs gtsang pa'i sprul sku rig mchog gam mthu stobs rnam rgyal dang | sbyangs dbon nges don sogs 'dus sde brgya lhag tsam dang | gzhan yang khrom tshogs ches mang la mi 'khrugs pa'i dbang sogs dang | de rnams las gtsang sprul sogs slob bu 'ga' la rdo rje 'chang dbang sogs bzlas lung du ma dang | gtsod skor gyi lung khrid rnams dang | dge tshul rab byung gi sdom pa zhang ston pa'i lugs ltar gnang zhing | rdzogs chen pa dpal chen rdo rje la grub rgyal lugs kyi dbang nai gu'i zab khrid cha tshang legs gnang gi sgo nas smon lam gtad rgya sogs kyang mdzad nas tshe gegs dang bral zhing dag snang ya mtshan pa dang bcas pas rkyen sel che bar gyur |
de nas lo de'i zla ba lnga pa'i nang nas rje bla ma gang nyid kyi sku khams cung zad ma snyom pa nas bzung slob bu dag gi re 'dod gang dgos la de de bzhin gyi chos bka' bar bar rgyun ma chad bzhin bzhugs pa la slob bu yongs nas zhabs brtan rlabs che ba sgo kun nas 'bad bzhin mya ngan gyis gdungs pa dang bcas bzhugs zhus phul yang | khong gi zhal nas | slob bu gang dag mnya ngan bya mi dgos | byang sems kyi bsam mi khyab pa'i 'chi 'pho ni 'jig rten phal pa dang mi 'dra | da lan rang gi tshe mthar