[A:193] du gdan drangs te yul de'i 'dus sde spyi la sbyong rgyud sogs dbang bka' dang chos khrid mang po zhus skabs chos nyan pa mgar bla thag ring nas 'ong ba thugs kyis mkyen nas chos mtshams bsgug pa mdzad nas slar yang gsungs |
dgung lo re lnga sogs su a skyong rgya bla mas bzhengs pa'i sgrol ma'i mchod rten la thig rtsa ba med | slar rgya bla mas gdan 'dren ltar byon te 'dus pa mang po la rdo rje 'phreng ba'i dbang yongs rdzogs gsungs shing yar thang du bzang spyod kyi tshogs thebs su dngos rdzas du ma bzhag | 'dzam thang du 'du khang chen mo'i sa 'dul mdzad de bzhengs pa'i cha rkyen bstsal nas bzhengs tshul gyi zhal bkod kyang mdzad | 'di skor 'dzi nyin gyi grwa sde mang po dang phyogs nas 'ong ba'i gsar rnying gi chos lugs 'dzin pa rdza khra ma bla ma'i yang sprul dang | gsar ma'i dge bshes che ba sogs skyes chen dam pa phyogs ris med pa du ma dang | rang yul 'dzi ka'i dgon sde stod smad nas byon pa'i grwa sde mang po la rang rang dang 'tsham pa'i zab mo'i chos kyi bka' pheb rgya che bas de dag gi thugs kyi re 'dod ji bzhin bskangs nas thams cad la dad gus rgya cher 'khrungs | gsar rnying ris med pa'i skyes chen dpa' ri ba o rgyan rab brtan gyis dam pa 'di'i drung nas zab lam sngags kyi gnad don mang po zhus pas rang gi thugs nyams su 'khrungs tshul las brtsams te ji bzhin legs gsungs mdzad pas bla ma dpa' ri bas 'di nyid lam spyi dang khyad par sngags kyi lam gnad la 'di ltar mkhas pa ni sngon jo nang pa yab sras kyi sprul pa zhig tu nges thag chod cing | rang la'ang 'di'i sku mthong tsam gyis bde stong gi nyams sngar skye ma myong ba skyes tshul sogs kyi che bsngags rgya cher mdzad |
dgung lo re brgyad skor rtogs pa gong 'phel gyi ngang nas khong gi sku tsha 'bab' mda' bla ma thub bstan dge legs rgya mtsho dang | gtsang pa'i cha lung ba'i yang sprul sogs 'dus sde du ma la | sbyor drug zab khrid mthong ba don ldan rtsa ba dang lhan thabs zung 'jug gnyis 'grel bshad du sbyar te bshad khrid rgya che ba khong gi nyams rtogs kyis legs par brgyan nas rgyud don dang mthun par zhib bshad mdzad cing | gzhan yang phyogs rgyal sbyor drug | lo chen sbyor drug | 'khrul 'khor cha lag bcas dang | bde mchog lha lnga'i bskyed rim | de'i rdzogs rim nai gu chos drug yongs rdzogs kyi bshad khrid dang | 'jigs byed bsnyen sgrub kyi khrid rdzogs rim bcas dang | bde gsang rgyud sde lnga'i gtso 'dus kyi dbang sogs khrid bshad man ngag zhal rgyun dang bcas gsang chen theg pa'i chos sgo mang po dang skyes bu gsum gyi lam rim dang blo sbyong don bdun ma sogs mdo phyogs kyi chos bka' du ma bcas thugs dgyes spros ngang chos kyi sgo 'phar legs phye mdzad cing | de dag gi skabs khong gi zhal nas | spyir chos pa yin phyin chos rnam dag cig dgos | de yang lam gyi rtsa ba 'khor ba sdug bsngal du shes dgos