[A:198] 'bul dang | gong ma'i dpon bsod nams chos rgyal gyis gdan zhus ltar phebs te 'dod chos gang dgos dang 'byung lung bstan sgrib med ji bzhin thog tu khel ba sogs kyis dpon sde kun ches ngo mtshar zhing gus pas legs bkur mdzad cing | de nas gtsang skor phyogs nas brgyud rma rgyal gangs ri'i gnas su phebs dus dbus su rnam snang gi dkyil 'khor dang g.yas g.yon du rigs gsum mgon po tshe lha rnam gsum sogs kyi dag snang gzigs shing de phyogs kyi gdul bya gang dag la phan bde rgya cher spel nas phyogs de'i dngos rdzas gang rnyed dag gis yig drug gi chos 'khor bdun tshon rtsi dang bcas 'khor khang tshun chad legs bzhengs mdzad |
dgung lo bzhi bcu sogs su bla ma mchog gi drung nas nai gu sogs kyi dbang bka' dang 'grel chen gyi bklag lung rim gnyis kyi bshad pa sogs zab chos du ma rim par gsan thugs dam nyams len rgyun ldan 'chag med dang bcas rnam dkar gyis dus 'da' bar byas so | |
dgung lo zhe dgu nas bzung lo 'ga' zhig gi bar 'di nas bla ma rin po che dag zhing du phebs rkyen gtsang chen pho brang gi sgrub pa'i slob dpon khong nyid kyis mdzad dgos byung nas thugs nyams len snying po gcig dril gyi ngang zhar byung slob tshogs skyong ba'i dbu tshugs te slob ma lam du khrid tshul yang gong ma'i phyag bzhes ltar thog mar bzlas lung tsam gyis nyams len byed rung byas nas sngon 'gro'i rim pas rgyud sbyong rjes dus 'khor lha dgu'i mchod dhog la brten nas dbang gong ma bzhis slob rgyud legs smin byas te yan lag drug gi zab khrid rim pas 'bogs lo bstar bzhin dang dus mtsungs bskyed rim che chung nai gu chos drug sogs kyi zab khrid kyang rgyun ldan 'chag med mdzad kyin bzhugs ste | de yang slob ma rjes su bzung nas de dag la zhal ta sogs gsung gi pheb tshogs dang thugs mngon shes kyis slob rgyud ji bzhin gzigs pas bya spyod mngon lkog mi pher bas slob bu dag dbang po'i sgo kun nas legs bsdams byed pa sogs dang | slob 'ga' gnyid 'thug gis non te gdon gyis glags lta bar chas tshe khong gis seng ge sprul nas 'jigs gzugs gad rgyangs kyis gnyid sangs par byas te gdon 'dres 'tshe ma nus pa dang | yang slob 'gar 'pho gegs byung ba khong gis rnam shes 'bebs pa'i dmigs gtad kyis slar gso sogs khyad mtshar gyi spyod pas slob bu gang dag gi rgyud legs bcos mdzad pa dang | gzhan yang 'dre gdon ring du bskrad pa | lung bstan thog tu khel ba | 'brel thogs tshe 'das pho mo la phan thogs ji ltar byung tshul mngon sum du gzigs pa sogs kyi lo rgyus ngo mtshar ba mang |
de skabs shig tu rnga yul se dgon gyis gdan 'dren zhus te sprul dbon 'dus sde kun la chos kyis tshim par byas shing rme'u rgyal blon sogs la tshe dbang sogs sku tshe'i bar chad sel thabs dang chab srid rgyas mi rgyas snga phyi'i dus 'gyur sogs lkog gyur gang zhus mtha' dag sgrib med lung du bstan pas kun