[A:201] ma ngag dang chos 'dzin phebs te thugs dam legs bkrol skabs steng 'og nas dkar dmar tshul bzhin babs pa sogs kyi rtags dang dgongs mchod dang gdung bzhu sogs kyi dus su'ang mkha' la 'ja' sprin dang zla ba gzas bzung zhing sa chen po g.yo bzhin char zil bur 'bab pa sogs ngo mtshar ba'i dge mtshan du ma mthun snang du gyur cing slob bu skyes chen dag gi thun min gyi ngor ni dag snang mtha' klas pa'i 'char sgo dang bcas mthar gdung rus dag gis sku gsung thugs rten legs bzhengs mdzad de dus 'khor rtsa rgyud nas bstan pa'i chos sku mchod rten thig tshad dang ldan pa mda' tshad ma gser dngul las nye bar bskrun pa'i nang du rten de dag nang gzhug tu bzhugs su gsol ba sogs rgyas par nyid kyi rnam thar logs na yod pa ltar ro | |
gang gi thugs slob byang phyogs bstan 'gro'i spyi'i dpal gtsang pa sku chen | rtogs ldan ngag dbang tshul khrims bzang po | cha lung ba'i yang sprul krma bstan pa'i nyi ma | gtsang chen gyi yang sprul ngag dbang phyogs las rnam rgyal | rgyal tshab ngag dbang bstan 'dzin grags pa | dge slong ngag dbang snyan grags sogs bla sprul skyes chen mang po byon no | |
gtsang chen gyi rdo rje slob dpon bzhi pa ngag dbang chos 'byor rgya mtsho |
4・gtsang chen pho brang du sgrub brgyud 'dzin pa'i rdo rje slob dpon ngag dbang chos 'byor rgya mtsho'i lo rgyus ni | 'khrungs yul 'dzi srib khyi lo ma zhes par yab yag smon gyi rigs rus spu si lo dang yum ka thog za rdo rje sman gnyis kyi sras su ( spyi lo 1846 | rab lo 14・40 ) me rta lor sku 'khrungs | de nas rim pas dgung lo brgyad lon skabs khu bo bla ma dar rgyas kyi drung nas klog bslabs pas mkhas par gyur | dgung lo bcu gcig par gtsang pa dge slong gi mdun du slebs skabs khong gis rmi lam bzang ba'i rten 'brel bcas bkra shis pa'i rdzas zho zhal phor gang gnang ste chos mthun gtam gyis rjes su bzung | de nas de'i phyi lo tsam na rje bla ma gang nyid kyi drung du sbyor drug gi zab chos zhu phyir slar 'ong skabs de'i nub mor rmi lam du spangs ljongs me tog gis khrigs mer gyis gang pa'i dbus nas me tog che ba gcig mi dkar lwa thod can zhig gis khong la nyid kyi yin tshul ngo sprod pa la brten der rang nyid 'dug par rmis pa sogs ma 'ongs pa na khri 'dzin rdo rje slob dpon du 'gyur ba'i dge mtshan bcas bla ma mchog gi drung nas thog mar sngon 'gro'i chos skor zhus nas nyams len skabs bla ma la sangs rgyas dngos mthong gi dad pa sgrib dag tshogs rdzogs kyi rmi ltas sogs kyang bzang rab byung | de nas bzlas lung dang sdom pa gnang skabs mtshan ngag dbang chos 'byor rgya mtsho zhes gsol | de nas mchog dbang bcas dben gsum gyi zab khrid gsan nas nyams len dus su 'od gsal rtags bcu rdzogs pa'i mthar thig le sngo ser gnyis kyang shar zhing bla mas byin rlabs 'bebs skabs khong nyid kun mkhyen chen po'i sku dngos su mthong nas