[A:204] bla ma don grub | mkhan a dkon | ngur ba slob dpon | sku phyogs si tu sogs skyes chen dam pa du ma'i mdun nas zab chos kyi sgo du ma'i chos 'brel sna tshogs legs gsan mdzad |
dgung lo zhe gnyis skor nas yar thang du bdud 'dul mchod rten gyi thig rtsa dang | lha bzo bla ma'i drung nas bde mchog rab 'byams dang gshin rje rab 'byams kyi dbang bka' cha tshang dang | sgrub thabs rin 'byung | rjes gnang brgya rtsa sogs snga phyi rim pas zab bka' ches mang zhus te lo der mgon po'i bsnyen mtshams kyang mdzad | gzhan yang sku phyogs arge'i mdun nas rin 'byung | sbyangs pa bla ma'i drung nas dmar khrid tshom lugs ma sogs kyang gsan zhing | khong gis sku ngag sogs la rje btsun gsung 'bum gyi lung gsungs |
dgung lo zhe lnga'i skabs nub cig gzims mal du gtsang chen pho brang du khri chen gnyis legs bshams byed par gcig tu gtsang sprul 'jigs med rnam rgyal phyag gis rdor dril 'dzin bzhin bzhugs shing cing shos su khong nyid bzhugs dgos byung ba la gtsang sprul nyid kyis phyag gi rdor dril khong la gtad pa'i rmi lam gyi legs mtshan ltar nyid dgung grangs zhe drug par gtsang chen pho brang du rdo rje slob dpon chen por mnga' gsol nas gdul bya rjes bzung gi tshul la pho brang 'di dang sgrub grwa tshun gyi mtshams grwa pa gang yod la rang rang dang 'tshams pa'i zab chos kyi sgo ci dgos 'di nas mdzad pa ste | de yang thog ma'i rten 'brel khong nyid chos khrir pheb la chas pa'i nub nyid kyi rmi lam du dus 'khor blos bslangs gzhal yas khang gi phyogs bzhir mar me mnal la khad pa bzhi yod pa khong gis cher gsal du sbar bar byas pa'i dge mtshan shar ba ltar dam pa nyid kyis nges gsang gi bstan pa cher spel mdzad rim dgung lo zhe drug nas lnga bcu'i bar la thog mar mtshams grwa pa'i chos tshan slob bu dam pa dkon bzang sogs la sbyor drug gi zab khrid gnang zhing | gtsang pa'i sku rim dus chos skyong khyab 'jug chen pos rang gzugs bstan nas sgos mchod gtor gral bar ba la 'jog rgyu'i chad tho byas te khong gi bka' yi bsrung ma nges don bstan pa cher skyong gi g.yar dam lhod med kyang byas | de nas rim par shi nang bla ma bstan dar sogs kyi chos tshan dang | de bzhin yal 'go'i bla ma ngag bzang sogs dang | a mgon bla ma ngag gsal sogs dang | 'ba' mda'i bla ma 'jigs smon dang yal 'go'i rtogs ldan rgyal mtshan sogs la rim par sbyor drug gi khrid sogs ci dgos gsungs shing | de nas dgung lo nga gcig nas nga lnga'i bar la rim par mkhar bar bla ma blo ldan sogs kyi chos tshan la sbyor drug zab khrid dang | gzhan slob 'ga' la dbang bka' bskyed rdzogs sna tshogs pa'i khrid mang po dang | rab kha'i bla ma mkhas dbang gis zhus ngor khong gis slob bu bzhi bcu lhag la rgyal ba'i bka' chos chen po'i bklag lung cha tshang lo gsung bar la mjug legs zin du mdzad pa dang | gtsang skor bla ma bshad sgrub sogs kyi