[A:212] sku ri rab chags pa lta bu zhig mdun du mngon sum byon nas zhal gzigs shing | gzhan yang chos skyong dkor bdag mdung dmar can dang lha chen khyab 'jug rAhUla sogs kyis kyang gus 'dud legs byed kyi mtshan ma yang yang mtong bar 'dug |
dgung lo so gsum par dge skor bla ma bstan grags dang 'dzong bo bla ma mtshan bzang sogs dang lhan cig tu rma chen gangs skor du byon skabs gangs ri'i nang 'ja' lam gyi steng la brgyud de sprul pa'i lha mo lag sprin dkar thogs pa du ma dang dge 'dun gyi tshogs chen po'i bsu bkod bcas lha mo sngon ma'i lag gi sprin dkar gyis dam pa khong gi sku lus la sim pa ster zhing de lugs ltar gyi ngo mtshar dag snang gi 'char sgo mi las 'das pa gangs ri'i dbus shar la nye bar bde mchog gzhal yas khang rten brten pa'i bkod pa steng gi nam mkhar 'ja' 'od sna lnga'i nang de bzhin gshegs pa dang gshegs ma mang pos mchod rdzas thogs pa 'khyams kyi zur bzhir lha mo bzhin phyag nas spos dud spros pa ni phyi snang ngor gangs rgyur 'dug | gangs ri'i shar stod mdun phyogs su gnas bsrung rma rgyal gyi pho brang pad ma rA ga la gser gyi g.yung drung ris kun nas bkra ba'i mdzes khyad can gzhi dkyil gyi mdun sgo gos sku chen mo zhes pa'i sa bkra de'i thad na yod pa | pho brang gzhi'i g.yon ngos na rma chen nyid kyi bzhugs gnas khang bzang gi mdun sgo zlum po 'bras sde phyed sde zhes pa'i thad na yod pa | gzhi dkyil pho brang gi mdun sgo dar sna lnga'i yol ba bris pa phyi ngor gos sku zhes pa'i sa bkrar snang ba | rma chen nyid kyi pho brang gi nang gzhir baiDUrya dang mar gad las grub pa'i sngo ljang 'thag pa lta bu'i nang dbus su zho gsar spungs 'dra'i sprin dkar gyi sbubs su rma rgyal nyid btsun mo res chibs sna brten pa'i chibs kyi rkang lag tsam las sku yongs rdzogs dam pa 'di snga mo byon dus mi gsal yang rdzes nas gtso 'khor gyi rnam pa ji bzhin sgrib med du mthong nas gtso bo rma rgyal rgyal po rol stabs kyis zhal byang du gzigs te bzhugs pa sogs yin lugs dngos gnas de ka bzhin mngon zhing | pho brang gzhi'i mdun sgo'i nang rol tu dge 'dun grangs med bzhugs pa gangs ri'i phyogs bzhir dar po che gnam la zug pa bzhi dang | g.yas lung gi stod du mgon po phyag drug pa de'i drang thad na dam can rdor legs 'khor bcas dang | mo ba gto ba zhes pa'i thad du 'phags pa spyan ras gzigs 'khor bcas ri po ta la'i bkod pa bcas dang | de'i g.yas zur ri gdong zer ba'i nang gsang bdag 'khor bcas lcang lo can gyi bkod pa dang | yang de'i g.yas ngos gangs dbus na 'jam dbyangs 'khor bcas rang snang gi zhing bkod dang | de'i g.yas ngos gangs mtshams su 'phags ma sgrol ma 'khor bcas g.yu lo bkod pa'i zhing gi rnam pa dang | go mtshon zhes pa'i nang go mtshon sna tshogs pa'i mdzod dang | lus dmar ba'i bud med sman mo'i tshogs shel gyi mchod rten bcas kyi snang ba dang | a 'bur sbar lung zhes pa'i ri dbus na gnas bdag