[A:214] gtum mo'i bde drod kyis thig le dbab bzlog gi bde ba dang stong gzugs mtha' med du 'phel zhing mnyam bzhag dus stong nyams tshabs che bas re zhig bar stong zhen cha phra ba re yod kyang de mtshams shig nas spros bral gshis lugs ji bzhin pa'i ngang de ka la gnas nus pa byung zhing dam pa 'di'i thugs snang la srid pa bar ma do'i sems can sogs lkog gyur ches mang po la mngon mkhyen dus su mi yul ba'i lo rgyus mang po yod | 'di skor du gtsang chen pho brang du rgyal ba'i gsung rab bod du 'gyur ro cog zhal 'don mdzad pa sogs sku tshe gang por bka' chos tshae drug zhal klog dag mo byas |
dgung lo so brgyad du ngag dbang chos 'byor rgya mtsho'i drung nas sgrub thabs rin 'byung cha tshang dang | sbyong rgyud bcu gnyis | rjes gnang brgya rtsa sogs kyang gsan | 'di lor rdo rje 'chang ngag dbang chos 'dzin dpal 'byor bzang po'i gzugs sku chos dbyings su bsdu skabs dam pa 'di nyid kyi thugs dag snang ngor bla ma mchog gi gzims khang nas ye shes kyi me dang 'ja' 'od sna lnga dbyings su zug pa dang thabs shes kyi lha dpag med nam mkhar gshegs sogs kyi dge mtshan rlabs che ba dang bcas gang nyid kyis mchod smon gzab ldan gyi rnam dkar bsags sgo mdzad | de mtshams dgung lo zhe gnyis skor thub bstan dge legs rgya mtsho'i drung du | rnal 'byor yan lag drug gi rnam bshad kyi spyi don rtsom par bskul te legs grub skabs rtsom pa po khong la 'du khang chen mor 'dus sde mang po'i ched 'tshogs chos kyi bshad khrid legs zhu mdzad |
dgung lo zhe bzhi par 'khor lo sdom pa nag po'i zhabs lugs kyi blos bslangs bzhengs grub rab gnas dga' ston gyi skabs dge legs kyi ltas mtshan khyad par ba lnga byung zhing | 'di nas bzung khong gi thugs kyi nyams len sngar las 'phar te stong gzugs rab 'byams yul gyi snang ba gang dag rang nyid dang gnyis med du mthong zhing de yang sngar ltar gsar byung gzugs kyi mtshan ma ya ma brla lta bu zhig ma yin par ye nas rang byung du yod pa de nyid thogs bcas mtshan ma'i gzugs dang bral yang rang bzhin dwangs pa'i gzugs snang rab 'byams kyi bkod pa snang ba'i cha gcig gis kun la khyab pa'i bdag nyid can de rang gi sems 'od gsal ba'i dbyings gcig pur nges shing de nyid rgyal ba thams cad kyi thugs chos sku'i dbyings de yang gshis nas de las logs pa med par gnyis med du thag chod cing de ni phyogs dang dus kun na ris su ma chad par gdod nas gnyug ma chen po'i rang bzhin glo bur dri mas gshis su gos pa min kyang de dag gi gshis lugs don dam pa nyid du thugs nges zab mo 'khrungs shing 'di ni rang lugs rdzogs ldan ches mchog gi nges pa don gyi dbu ma'i lta grub thugs kyis myong stobs las ji bzhin gzhan dring mi 'jog par gting dpog pa'i tshul ches ngo mtshar rnam thar lags shing de nas kyang gshis je dwangs su rim pas mngon te rang bzhin rdul dang bral shing g.ya' dag pa'i nam mkha' las