[A:15]
bla med la | pha rgyud ma rgyud gnyis | pha rgyud la | gsang 'dus | gshin rje gshed dmar nag | rnam snang | sgyu drwa sogs chags can rjes 'dzin gyi rgyud dang | 'jigs byed rtog bdun sogs zhe sdang can tshar gtsod kyi rgyud dang | 'jam dpal sgyu drwa sogs gti mug can rjes 'dzin gyi rgyud dang gsum mo | | ma rgyud la | bde mchog | dgyes rdor | mahAmaya | sangs rgyas thod pa sogs heruka'i rigs | gdan bzhi rnam snang gi rigs | rigs kyi 'jig rten mgon po padma'i rigs | rdo rje bdud rtsi rin 'byung gi rigs | sgrol ma bla med sogs rta'i rgyal po'i rigs | sangs rgyas mnyam sbyor | zla gsang thig le rdor sems kyi rigs dang drug yod la | dus 'khor yang heruka dang rdor sems gnyis ka'i rigs la brten pa ltar yod kyang 'dir rdor sems kyi rigs su 'jog | bla med la gsum du 'byed na gnyis med kyi rgyud du bzhag kyang chog |
de ltar rgyud mtha' dag gsungs nas zla ba bzang po la gtad cing mi dang mi min bgrang ba las 'das pa 'dod pa'i dngos grub thob | re zhig mi'i 'jig rten gzhan du ma dar | shamdhalar zla ba bzang pos rgyud mtha' dag glegs bam la bris | dus 'khor rtsa rgyud kyi 'grel bshad mdzad pa sogs kyi sgo nas gsang sngags rgya cher dar bar byas pa nas bzung | chos rgyal bdun | rigs ldan nyer lnga | 'khor lo can gyi rgyal brgyud bcu gnyis te dus 'khor rtsa rgyud nas lung bstan pa'i chos kyi rgyal po bzhi bcu rtsa gsum gyi bar du sngags kyi zhing mchog der bstan pa ches dar zhing kun kyang rdzogs ldan chos mchog nges don dbu ma chen po thugs kyi dgongs bcud du byas te gnas lugs mthar thug gcig tu gzhol ba sha stag go | |
2. rjes nas gsang sngags ji ltar dar tshul |
gnyis pa rjes nas ji ltar byung ba'i tshul ni | spyir rgya gar du rgyal po padma chen po dang dus mnyam pa la cung zad 'phyi ba tsam na | yul oTibi shar rgyal po zla ba bsrung gi khyim du 'jam dpal dge slong gi tshul gyis byon te de kho na nyid bsdus pa'i glegs bam gnang | de nas re zhig gi dus rgyal po haritsandra bya ba tsandra'i rigs kyi thog ma byung ba de sngags lam la brten nas dngos grub thob | longs spyod lha dang mnyam pa mthar 'khor stong dang bcas rig 'dzin gyi gnas thob |
(1) spyir rgya gar du gsang sngags dar tshul |
1. dus de tsam na dpal sa ra ha'am bram ze sgra gcan 'dzin chen po byon nas rdo rje rnal 'byor ma'i zhal dngos su mjal te gdod ma chos nyid kyi don rtogs nas do ha rdo rje'i glu mang du blangs pas