[A:225] gnas sogs dang | yul phyogs kyi chos smra ba dge slong blo gros rgya mtsho | mkhas btsun bzang gsum gyis mdzes pa ka thog mchog sogs gzhan phan gyi mthu yod pa'i bla sprul mang po legs par byon no | |
gtsng chen gyi rdo rje slob dpon bdun pa ngag dbang rdo rje bzang po |
7. gtsang chen pho brang du sgrub brgyud 'dzin pa'i rdo rje slob dpon ngag dbang rdo rje bzang po gong ma la ltos na gnyis pa yin kyang spyir gtsang pa dge slong nas gong smos bzhin bgrang bas dam pa 'di sgrub pa'i brgyud 'dzin slob dpon bdun pa nyid du gyur pas na gtsang pa'i gzims khang rdor slob 'di dang 'og ma gnyis kyi lo rgyus de lugs ltar 'dir 'chad par bya ste | de yang ngag dbang rdo rje bzang po gang nyid kyi lo rgyus ni 'dzi yul nyin phyogs kyi sa yi thig le'i char gyur pa grong sde rab kha zhes par yab rab kha bla ma'i sku tsha bde gsal dang yum bo zi gnyis kyi sras su ( spyi lo 1893 | rab lo 15.27 ) chu mo sbrul gyi lor grod pu lta bu'i nang du sku legs par 'khrungs shing | de nas sku'i lang tsho rim gyis smin pa'i tshe chung ming la 'phan dar zhes zer zhing sku na gzhon skabs rtsal ldan ma dul ba rgod nyams can skya chas byed pa zhig ste re zhig gi tshe ra 'obs bla ma tshogs 'phel zhes pa'i mgon bla zhig yod pa des ka smad kyi yi ge legs bslab kyi mgo tshugs nas rim pas klog 'don gyi rigs dang yul gyi nyer mkho'i mtha' dag ji bzhin shes pa byung | klog slob pa'i phyi rkyen de ltar la nang gi rkyen ni sku chung skyes na gzhon skabs rang snang la bar bar du mkha' dbyings nas grub thob steng na gdugs 'khor ba phyogs kun TA ma ru rang sgra grags pas gang ba zhig byon nas phyag gis blegs bam thum can nyid la gtad nas | zhal gsung las | khyod kyis skya chas ma byed par ser chas gyis shig ces pa yang yang gsung bas thugs snang bskul te gong ltar gyi klog legs bslab mdzad pa yin skad | 'di skabs nas kyang rang snang la sngon goms kyi stobs las 'od gsal rtags bcu'i snang ba bar bar 'char ba yod |
de nas dgung lo bcu bdun gyi steng du bkra shis lha ri'i sgrub gnas su rdo rje 'chang kun dga' mnyam nyid dpal bzang po bzhugs pa'i drung du phyin nas rje de nyid dam pa gang gis dge ba'i bshes gnyen mchog tu dgo kun nas legs bkur gyis dpal ldan rtsa ba'i bla mar bsten nas zab mo sbyor ba yan lag drug gi sngon 'gro 'bum lnga'i chos skor rnams nyid kyis legs par gsan pa'i sgo nas thugs nyams su bzhes skabs tshogs zhing skyabs yul gyi gsal snang che ba sems bskyed la yid 'gyur gyi myong ba thon pa sogs lam rang rang gi skabs su myong rtags khyad par ba du ma thugs nyams su 'khrungs shing | de nas lhan skyes bsnyen bzlas kyi dus lha'i gsal snang rab tu brtan pa'i nyams dang rje bla ma gang gis mchog dbang sdom lung du 'gro ba bcas kyi chos bka' legs gnang gi dus su dam pa 'di'i mtshan la ngag