[A:248] nar ma la dus snyams pa thun bzhi gtso cher spyod pa sogs sgo gang thad nas lam lugs lhod med kyis mchog dman kun gnon zhing lo re bzhin dgun khar pho brang du 'grul rgya bsdams pas mtshams grwa pa spyi la g.yeng rkyen nyung bas bsam gtan gyi 'phel stobs che ba dang de dag kun bde'i ched lo dus bzhin bsrung rim dgun dus mang 'tshogs kyis sgrol ma 'bum ther gdugs ring khri rdzogs gang rung re dang dpyid kar rta mgrin dang phur pa'i sgrub chen gang rung re dang | dbyar dus su nangs nub la mdo gdugs sgrol gsum sogs gsung sgrog ci lcogs dang | ston kar seng gdong bdud 'dul drag mo'i gto sgrub rnams lo re bzhin gyi nam yang 'chag med kyi ser 'tshogs rgyun ldan gyis bsrung rim che ba lo dus bzhin yod pa sogs gtsang chen pho brang du bar skabs tsam la mdzad sgo 'di 'dra dka' ba'i tshod du 'dug ces kun gyis gleng mo byed pa lta bu'i gnas skabs su gyur skad |
dgung lo nga brgyad du dbyor drug pa bla ma kun ldan | bsod nams rgyal sogs nyer brgyad dang lo der khong nyid kyis slob tshogs rang bcas la chos bka' dus 'khor mchog dbang dang lo dus kyi khrid lung gang dgos tsam las gzhan che ba ma gsung la | spyir dam pa gang nyid kyis mgo 'dzin mdzad de gtsag chen pho brang du sgrub sde ba gang dag gzhir gnas kyi steng du rang cag sogs chos 'chad nyan gyi sde yang btsugs te de lugs bshad sgrub zung gi bstan pa sngar las phyi na mngon tshan che ba tsam byung zhing rje gang gi zhabsphyir dmigs te ngos nas kyang bshad sgrub skabs gang babs kyi dus su de lugs ltar zhib dpyod rtog gzigs kyi rogs ram gang dgos dang dbang dang bsrung rim ci dgos sogs kyi tshe 'don cha phyag len gra bsgrig nyer mkho dus su gang 'os rnams dang chos grwa der lung rtogs zung gi chos rgyun mi chad pa'i rkyen tsam gyis 'gan dbang blos ma long ba'i 'dug tshul bzung khul gyis skabs ci rigs kyi ring legs bgyis mthar 'khyol gyi dus tshod kyang zin song ba lags pas de yun du gong smos ltar kyi chos bka' yongs rdzogs rje nyid kyi zhal snga nas rang la'ang mtha' dag ma tshang ba med par thob nges su gyur to | |
dgung lo nga dgu'i dus la slebs tshe gtsang chen gzims khang sbyor drug pa dpal bzang | bstan 'dzin grags pa sogs thugs slob drug ste de dag yan dang mnyam du 'du khang steng gi sgrub grwa ba gong 'gab mang nyung ci rigs re ma chad pa'i rgyun mar du byung ba rnams dang gzhan yang gzims khang du bskyed rim pa'ang 'ga' re bar bar yod pa sogs de thams cad la chos bka' dbang lung zab khrid ci dgos mtha' dag rje bla ma 'di nyid kyis legs par mdzas pas bka' drin shin tu che ba yin zhing | de dag gi skabs bar bar du rje nyid snga sor dben gnas kho na la thugs ches gzhol ba'i stabs kyis 'dir yang (dzi stod smad kyi ri lung mi med dben pa'i gnas 'ga' zhig la phebs nas de dag tu khong gis